കുവൈത്ത് സിറ്റി: ഇന്ത്യൻ പ്രധാനമന്ത്രി നരേന്ദ്രമോദിയ്ക്ക് രാജ്യത്തിന്റെ പരമോന്നത ബഹുമതി നൽകി ആദരിച്ച് കുവൈത്ത്.കുവൈത്തിൻറെ വിശിഷ്ട മെഡലായ മുബാറക് അൽ കബീർ മെഡൽ കുവൈത്ത് അമീർ സമ്മാനിച്ചു.രാജ്യത്തിന് കിട്ടിയ ആദരമാണിത് എന്ന് മെഡൽ സ്വീകരിച്ച് കൊണ്ട് പ്രധാനമന്ത്രി പറഞ്ഞു
മോദിക്ക് മറ്റൊരു രാജ്യം സമ്മാനിക്കുന്ന 20-ാമത് അന്താരാഷ്ട്ര അവാർഡാണിത്. മുമ്പ് ബിൽ ക്ലിൻറൺ, ജോരർജ് ബുഷ് എന്നീ നേതാക്കൾക്കും ഈ അവാർഡ് ലഭിച്ചിരുന്നു. കുവൈത്ത് സന്ദർശിക്കാനെത്തിയ മോദിക്ക് വൻ സ്വീകരണമാണ് ഒരുക്കിയത്. ബയാൻ പാലസിൽ അദ്ദേഹത്തിന് ഔദ്യോഗിക ഗാർഡ് ഓഫ് ഓണർ നൽകി ആദരിച്ചു. ചടങ്ങിൽ കുവൈത്ത് അമീറും പങ്കെടുത്തു.
43 വർഷത്തിന് ശേഷം ആദ്യമായാണ് ഒരു ഇന്ത്യൻ പ്രധാനമന്ത്രി കുവൈത്ത് സന്ദർശിക്കുന്നത്.നിക്ഷേപം, വ്യാപാരം, വാണിജ്യം എന്നീ മേഖലകളിൽ ഇരുരാജ്യങ്ങളും സഹകരിച്ച് പ്രവർത്തിക്കും എന്നാണ് റിപ്പോർട്ട്.
കുവൈറ്റിലെത്തിയ ഇന്ത്യൻ പ്രധാനമന്ത്രി, കുവൈറ്റ് സിറ്റിയിലെ ജാബർ അൽ അഹമ്മദ് ഇന്റർനാഷണൽ സ്റ്റേഡിയത്തിൽ നടന്ന 26-ാമത് അറേബ്യൻ ഗൾഫ് കപ്പിന്റെ ഉദ്ഘാടന ചടങ്ങിൽ ‘ഗസ്റ്റ് ഓഫ് ഓണർ’ ആയി പങ്കെടുക്കുകയും കുവൈറ്റ് അമീർ ശെയ്ഖ് മിഷാൽ അൽ അഹമ്മദ് അൽ ജാബർ അൽ സബാഹുമായി കൂടിക്കാഴ്ച നടത്തുകയും ചെയ്തു.ഓരോ വർഷവും നൂറുകണക്കിന് ഇന്ത്യക്കാരാണ് കുവൈറ്റിൽ എത്തുന്നത്. നിങ്ങൾ കുവൈറ്റ് സമൂഹത്തിന് ഒരു ഇന്ത്യൻ ടച്ച് ചേർത്തു. കുവൈറ്റിന്റെ ക്യാൻവാസിൽ നിങ്ങൾ ഇന്ത്യൻ കഴിവുകളുടെ നിറങ്ങൾ കൊണ്ട് നിറഞ്ഞു. കുവൈറ്റിൽ നിങ്ങൾ ഇന്ത്യയുടെ കഴിവുകളുടെയും സാങ്കേതികവിദ്യയുടെയും പാരമ്പര്യത്തിന്റെയും സത്ത കലർത്തി,” മോദി പറഞ്ഞു. കുവൈറ്റിനെ മിനി ഇന്ത്യയെന്നാണ് അദ്ദേഹം വിശേഷിപ്പിച്ചത്.
