കൊച്ചി: നാവികസേനയുടെ ആദ്യ വനിതാ പൈലറ്റുമാര് വിജയകരമായി പരിശീലനം പൂര്ത്തിയാക്കി. ബിഹാറില് നിന്നുള്ള ശിവാംഗി, ഉത്തര്പ്രദേശ് സ്വദേശി ശുഭാംഗി സ്വരൂപ്, ഡല്ഹിയില് നിന്നുള്ള ദിവ്യ ശര്മ എന്നിവരാണ് നേവിയുടെ ഡോര്ണിയര് വിമാനത്തിലെ പരിശീലനം പൂര്ത്തിയാക്കിയിരിക്കുന്നത്. ഇവര്ക്കു പുറമേ മൂന്നു പേര് കൂടി ദക്ഷിണ നാവിക കമാന്ഡില് ഡോണിയര് ഓപറേഷനല് ഫ്ലെയിങ് പരിശീലനം പൂര്ത്തിയാക്കി.
കൊച്ചി ദക്ഷിണ നാവികസേനാ ആസ്ഥാനത്ത് നടന്ന ചടങ്ങില് റിയര് അഡ്മിറല് ആന്റണി ജോര്ജ് പൈലറ്റുമാര്ക്ക് പുരസ്കാരം നല്കി. ഡോര്നിയര് ഓപ്പറേഷണല് ഫ്ളയിംഗ് ട്രെയിനിംഗിന് (ഡിഒഎഫ്ടി) മുന്നോടിയായി മൂവരും ഇന്ത്യന് വ്യോമസേനയുടെയും നാവികസേനയുടെയും പരിശീലന പറക്കല് നടത്തിയിരുന്നു. ആറു പൈലറ്റുമാരുടെ ബാച്ചാണ് ഇന്നലെ പരിശീലനം പൂര്ത്തിയാക്കിയത്.
കഴിഞ്ഞ ഡിസംബറില് തന്നെ മൂന്നുപേരും പൈലറ്റുമാരായി യോഗ്യത നേടിയിരുന്നു. എന്നാല്, ഇതിനു ശേഷം ഡോര്ണിയര് ഓപ്പറേഷണല് ഫ്ളൈയിങ് ട്രെയിനിങ് (ഉഛഎഠ) കോഴ്സ് കൂടി പൂര്ത്തിയാക്കിയാലേ സ്വന്തമായി വിമാനം പറത്താനാകൂ. ഡോഫ്റ്റ് കോഴ്സ് ആണ് ഇവര് ഇപ്പോള് പൂര്ത്തിയാക്കിയത്.
