തിരുവനന്തപുരം: പ്ലസ് ടു വിദ്യാർത്ഥിനിയെ പീഡിപ്പിക്കാൻ ശ്രമിച്ച കേസില്‍ സിപിഐ നേതാവിനെതിരെ കേസ് . സിപിഐ നേതാവ് വിഷ്ണു ബാബുവിനെതിരെയാണ് പോക്‌സോ കേസെടുത്തത്. വിഴിഞ്ഞം പോലീസാണ് കേസെടുത്തത്.
കഴിഞ്ഞ സെപ്റ്റംബറിലാണ് കേസിനാസ്പദമായ സംഭവം നടന്നത്.
മുല്ലൂരിലെ വീട്ടിൽ വച്ച് പെൺകുട്ടിയെ വിഷ്ണു പീഡിപ്പിക്കാൻ ശ്രമിച്ചെന്നാണ് പരാതി. പെണ്‍കുട്ടിയുടെ കുടുംബം പോലീസിന് നല്‍കിയ പരാതിയുടെ അടിസ്ഥാനത്തിലാണ് കേസെടുത്തത്.
കുട്ടിയുടെ സഹോദരനെതിരെ സ്‌കൂൾ അധികൃതർ സ്വീകരിച്ച അച്ചടക്ക നടപടി പിൻവലിക്കാൻ ഇടപെടണം എന്ന് ആവശ്യപ്പെട്ട് പെൺകുട്ടിയും മാതാവും ചേര്‍ന്ന്‌ വിഷ്ണുവിനെ സമീപിച്ചിരുന്നു. ഇതിന് പിന്നാലെ പെണ്‍കുട്ടിയുടെ കുടുംബവുമായി വിഷ്ണുവും കുടുംബവും അടുപ്പത്തിലായി. ഇതിന് പിന്നാലെ സെപ്റ്റംബര്‍ 18ന് പെണ്‍കുട്ടിയുടെ വീട്ടിലെത്തിയ വിഷ്ണു കുട്ടിയെ ലൈംഗിക ഉദ്ദേശ്യത്തോടെ സ്പർശിക്കുകയായിരുന്നു.
Discussion about this post