തിരുവനന്തപുരം: സംസ്ഥാനത്തെ ആറ് ജില്ലകളിൽ നാളെ പ്രാദേശിക അവധി. തൈപ്പൊങ്കൽ പ്രമാണിച്ചാണ് പ്രാദേശിക അവധി. തമിഴ്നാട് ജില്ലയുമായി അതിർത്തി പങ്കിടുന്ന കേരളത്തിലെ ജില്ലകൾക്കാണ് പ്രാദേശിക അവധി ഉള്ളത്.
തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, വയനാട് ജില്ലകൾക്കാണ് പ്രാദേശിക അവധി. സർക്കാരിന്റെ ഔദ്യോഗിക കലണ്ടറിൽ നാളെ ഈ ജില്ലകളിൽ അവധി രേഖപ്പെടുത്തിയിട്ടുണ്ട്. നേരത്തെ തന്നെ സർക്കാർ വിജ്ഞാപനം ചെയ്ത് ഔദ്യോഗിക കലണ്ടറിൽ ഉൾപ്പെടുത്തിയിട്ടുള്ള അവധിയാണ് നാളത്തേത്.
ശബരിമലയിലെ മകരവിളക്ക്, ശ്രീപത്മനാഭ സ്വാമി ക്ഷേത്രത്തിലെ മകരശീവേലി എന്നിവയും നാളെയാണ്. കേരളത്തിലെ വിശ്വാസികളെ സംബന്ധിച്ച് ഏറെ പ്രാധാന്യമാണ് ഈ ആഘോഷങ്ങൾക്ക് ഉള്ളത്.
Discussion about this post