ബോഡി ഷെയ്മിംഗ് നടത്തിയതിന്റെ പേരിൽ ഒരാളെ ജയിലിൽ അടയ്ക്കേണ്ട കാര്യമുണ്ടോ എന്ന് ബിഗ്ബോസ് താരം ഷിയാസ് കരീം. ബോബി ചെമ്മണ്ണൂരിനെ ജയിലിൽ അടച്ചതിൽ വിഷമമുണ്ട് എന്ന് അദ്ദേഹം പറഞ്ഞു.
ബോബി ചെമ്മണ്ണൂരിന്റെ സ്വഭാവം അങ്ങനെയാണ് … അദ്ദേഹം മാപ്പ് ചോദിച്ച സ്ഥിതിക്ക് ഹണി റോസ് വിട്ടുവീഴ്ച ചെയ്യേണ്ടതായിരുന്നു. രണ്ടു വ്യക്തികളെയും വിളിച്ചിട്ട് ഇനി ഇത് ആവർത്തിക്കരുത് എന്നൊരു താക്കീത് കൊടുത്തു വിടുന്ന ഒരു കേസേ ഉള്ളൂ. സ്ത്രീകൾ നിയമത്തെ ദുരുപയോഗം ചെയ്യുകയാണ്. ഇതിൽ ബോബി ചെമ്മണ്ണൂരിന്റെ ഭാഗത്തും ഹണി റോസിന്റെ ഭാഗത്തും തെറ്റുണ്ടെന്നും ഷിയാസ് കൂട്ടിച്ചേർത്തു.
ബോബി ചെമ്മണ്ണൂർ ജയിലിൽ പോവുന്നത് കണ്ടപ്പോൾ വിഷമമായി. നല്ല പ്രായമുള്ള ആളാണ് അദ്ദേഹം . അദ്ദേഹത്തെ പിടിച്ച് ജീപ്പിലേക്ക് തള്ളുന്ന സീൻ എല്ലാം കണ്ടെപ്പോൾ എന്തോ പോലെ ആയി . അത്ര വലിയ കുറ്റം ഒന്നും അദ്ദേഹം ചെയ്തിട്ടില്ല . ഇത്ര വലിയ കുറ്റമാണോ ഒരു പെൺകുട്ടിയെ കമന്റ് അടിയ്ക്കുന്നത്. ഇത്ര ഭീകരമായിട്ടുള്ള കുറ്റമാണോ ? . അതിന് അയാൾ മാപ്പ് പറഞ്ഞ് എന്നാണ് തോന്നുന്നത് . എത്ര വലിയ ക്രിമിനലുകൾ കേരളത്തിലുണ്ട്. അവരെ ഒന്നും പോയി പിടിക്കാനുള്ള ധൈര്യം പോലീസുകാർക്കില്ലല്ലോ എന്നും താരം ചോദിച്ചു .
കാര്യം ബോഡിയിൽ കയറി അങ്ങനെ അറ്റാക്ക് ചെയ്യുകയോ അല്ലെങ്കിൽ സെക്ഷ്വൽ ആയിട്ടുള്ള കാര്യങ്ങളൊക്കെ ചെയ്യുമ്പോഴാണ് ജയിലിൽ പോകേണ്ടി വരേണ്ടതെന്ന് ഞാൻ വിശ്വസിക്കുന്നു . കള്ള് കുടിച്ച് വണ്ടി ഓടിച്ച് ആളുകളെ കൊല്ലുന്നുണ്ട്. ആ കുറ്റകൃത്യം ചെയ്യുന്നവരുടെ ലൈസൻസ് മാത്രമാണ് കട്ട് ചെയ്യുന്നത്. അല്ലാതെ ജയിലിൽ അടയ്ക്കുന്നില്ലല്ലോ.. നിയമം കുറച്ചൊക്കെ മാറാനുണ്ട്. നമ്മുടെ നാട്ടിൽ നിയമത്തിലുള്ള ചില ആനുകൂല്യങ്ങൾ സ്ത്രീകൾ മുതലെടുക്കുന്നുണ്ടെന്ന് ഞാൻ വിശ്വസിക്കുന്നു. പക്ഷേ അതുപോലെതന്നെ നല്ല കേസുകൾ ഉണ്ട്. ചില കേസുകൾ അവർ ഭീകരമായിട്ട് മുതലെടുക്കുന്നു എന്നും ഷിയാസ് പറഞ്ഞു.
‘ഞാൻ ഈ രണ്ടുപേരുടെയും ഭാഗത്തല്ല. ബോബി ചെമ്മണ്ണൂരിന്റെ ഭാഗത്തും തെറ്റുണ്ട്, ഹണി റോസിന്റെ ഭാഗത്തും തെറ്റുണ്ടെന്നേ ഞാൻ പറയുകയുള്ളൂ. ഈ ലോകത്ത് വിട്ടുവീഴ്ച, അങ്ങോട്ടും ഇങ്ങോട്ടും ഒരു മ്യൂച്വൽ അണ്ടർസ്റ്റാൻഡിങ് വേണം. അങ്ങനെയുള്ള ആളുകൾ മാത്രമാണ് ഈ ലോകത്ത് വിജയിച്ചിട്ടുള്ളൂ എന്നും ഷിയാസ് കൂട്ടിച്ചേർത്തു.
Discussion about this post