തിരുവനന്തപുരം: തിങ്കളാഴ്ച മുതൽ റേഷൻ കടകൾ അടച്ചിടാൻ റേഷൻ വ്യാപാരികൾ. വിവിധ ആവശ്യങ്ങൾ ഉന്നയിച്ച് സർക്കാരുമായി നടത്തിയ ചർച്ച പരാജയപ്പെട്ടതോടെയാണ് കടയടപ്പ് സമരവുമായി മുന്നോട്ട് പോകാൻ വ്യാപാരികൾ തീരുമാനിച്ചത്. ഭക്ഷ്യമന്ത്രി ജി ആർ അനിലിന്റെ നേതൃത്വത്തിൽ ആയിരുന്നു ചർച്ച നടത്തിയത്.
വേതന പാക്കേജ് പരിഷ്‌കരിക്കുക, ക്ഷേമനിധിയുമായി ബന്ധപ്പെട്ട പ്രശ്‌നങ്ങൾ പരിഹരിക്കുക എന്നിവയാണ് വ്യാപാരികളുടെ ആവശ്യം. ഇതേ തുടർന്ന് ഇവർ സമരം ആരംഭിച്ചിരുന്നു. ഇതിനിടെയാണ് ജി ആർ അനിലിന്റെ നേതൃത്വത്തിൽ ചർച്ച സംഘടിപ്പിച്ചത്.
എന്നാൽ നിലവിൽ സാമ്പത്തിക പ്രതിസന്ധിയാണെന്നും അതിനാൽ കമ്മീഷൻ വർർദ്ധിപ്പിക്കാൻ കഴിയില്ലെന്നും ചർച്ചയിൽ മന്ത്രി നിലപാട് സ്വീകരിച്ചു. ഇതോടെ സമരവുമായി മുന്നോട്ട് പോകാൻ വ്യാപാരികൾ തീരുമാനിക്കുകയായിരുന്നു. ധനകാര്യ മന്ത്രി അഞ്ച് മിനിറ്റ് പോലും ചർച്ചയിൽ പങ്കെടുത്തില്ലെന്ന് വ്യാപാരികൾ കുറ്റപ്പെടുത്തി.
Discussion about this post