എറണാകുളം: കഴിഞ്ഞ ദിവസമാണ് മേരിക്കുണ്ടൊരു കുഞ്ഞാട് എന്ന ചിത്രത്തിൽ ബാലതാരമായി അഭിനയിച്ച സെന്റ് തെരേസാസ് കോളജ് മുൻ ചെയർപഴ്സൺ നികിത നെയ്യാർ അന്തരിച്ചത്. കരളിനെ ബാധിച്ച ഗുരുതര രോഗത്തെ തുടർന്നാതയിരുന്നു മരണം. നികിതയുടെ അവസാന ആഗ്രഹപ്രകാരം അവളുടെ കണ്ണുകൾ ദാനം ചെയ്തു.
രോഗാവസ്ഥയിൽ തന്റെ അവയവങ്ങൾ മറ്റുള്ളവർക്ക് ദാനം ചെയ്യണമെന്ന് നികിത ഡോക്ടറോട് ആവശ്യപ്പെട്ടിരുന്നു. ഇത്പ്രകാരമാണ് നികിതയുടെ നേത്രപടലങ്ങൾ ദാനം ചെയ്തത്.
കരളിലും തലച്ചോറിലും വലിയ അളവിൽ ചെമ്പ് അടിഞ്ഞുകൂടുന്ന വിൽസൺ ഡിസീസ് എന്ന അപൂർവരോഗം ബാധിച്ചാണ് നികിത മരണത്തിന് കീഴടങ്ങിയത്. അതുകൊണ്ട് തന്നെ, നേത്രപടലം മാത്രമേ ദാനം ചെയ്യാൻ കഴിയുമായിരുന്നുള്ളൂ. സെന്റ് തെരേസാസ് കോളജിൽ ബിഎസ് സി സൈക്കോളജ് അവസാന വർഷ വിദ്യാർഥിയായിരുന്നു നികിതാ നെയ്യാർ. എട്ടാം വയസിലാണ് നികിതക്ക് രോഗം പിടിപെട്ടത്.
കരൾ മാറ്റ ശസ്ത്രക്രിയ നടത്തി ഒരാഴ്ച പിന്നിടുമ്പോഴാണ് നികിതയുടെ വിയോഗം. രോഗം ബാധിച്ചു കഴിഞ്ഞ് രണ്ടുവട്ടം കരൾ മാറ്റിവയ്ക്കൽ ശസ്ത്രക്രിയയ്ക്ക് വിധേയയായിരുന്നു.
മേരിക്കുണ്ടൊരു കുഞ്ഞാട് എന്ന ചിത്രത്തിൽ നടി ഭാവനയുടെ ബാല്യകാലം അവതരിപ്പിച്ചത് നികിതയായിരുന്നു. ഫിലിപ്സ് ആൻഡ് ദ് മങ്കിപെൻ, റോസ് എന്നീ ചിത്രങ്ങളിലും നികിത അഭിനയിച്ചിട്ടുണ്ട്. കൊല്ലം കരുനാഗപ്പള്ളി സ്വദേശി നമിത മാധവികുട്ടിയുടെയും ചങ്ങനാശേരി സ്വദേശി ഡോണി തോമസിന്റെയും മകളാണ് നികിതാ നയ്യാർ. സംസ്‌കാരം കൊച്ചിയിൽ നടത്തി.
Discussion about this post