ശരീരത്തിന്റെ ആകെയുള്ള ആരോഗ്യത്തിന് നമ്മുടെ കുടലിന്റെ ആരോഗ്യം പരമപ്രധാനമാണെന്ന് അറിയാമല്ലോ. എന്നാല്‍ കുടലിന്റെ ആരോഗ്യം എങ്ങനെ വര്‍ധിപ്പിക്കാം. അതെപ്പോഴും നമ്മള്‍ പിന്തുടരുന്ന ഭക്ഷണക്രമത്തെയും നയിക്കുന്ന ജീവിതശൈലിയെയും ആശ്രയിച്ചിരിക്കുന്നു. ഇപ്പോഴിതാ പോഷകാഹാര വിദഗ്ധയായ ശാലിനി സുധാകര്‍, അവരുടെ ഇന്‍സ്റ്റാഗ്രാമിലൂടെ കുടലിന്റെ ആരോഗ്യം മോശമാകുമ്പോള്‍ ശരീരം കാട്ടിത്തരുന്ന ചില ലക്ഷണങ്ങള്‍ പങ്കുവെച്ചിരിക്കുകയാണ്. കൂടാതെ അവ എങ്ങനെ പരിഹരിക്കാമെന്നും ശാലിനി തന്റെ വീഡിയോയില്‍ വിവരിക്കുന്നുണ്ട്.
ഇനി ഏതൊക്കെയാണ് ആ മുന്നറിയിപ്പ് ലക്ഷണങ്ങള്‍ എന്ന് നോക്കാം
വയറു വീര്‍ക്കല്‍:
എന്താണ് വയറു വീര്‍ക്കല്‍ അഥവാ ബ്ലോട്ടിംഗ് അതായത് ഭക്ഷണം വേണ്ട രീതിയില്‍ ദഹിക്കുന്നില്ലെന്നുള്ളതാണ് ഇതിലൂടെ വ്യക്തമാകുന്നത്. ഈ അവസ്ഥ കൈകാര്യം ചെയ്യുന്നതിനുള്ള ഏറ്റവും ഫലപ്രദമായ മാര്‍ഗം ഭക്ഷണം നന്നായി ചവയ്ക്കുക എന്നതാണ്, ഇത് എളുപ്പത്തിലും വേഗത്തിലും ദഹനത്തിന് സഹായിക്കുന്നു, അങ്ങനെ ഭക്ഷണം സ്തംഭനാവസ്ഥയിലാകുകയോ ദഹനം വൈകുകയോ ചെയ്യില്ല. മറ്റൊരു മാര്‍ഗം കൃത്യസമയത്ത് ഭക്ഷണം കഴിക്കുക എന്നതാണ്, അതായത് നിങ്ങളുടെ ഭക്ഷണ സമയത്തിന് ഒരു നിശ്ചിത സമയം കണ്ടെത്തുക, എല്ലാ ദിവസവും ഈ സമയം പാലിക്കുക.
മലബന്ധം:
ഓരോ ഭക്ഷണത്തിലും നാരുകളുടെ ഒരു സ്രോതസ്സ് (വേവിച്ച പച്ചക്കറികള്‍) ഉള്‍പ്പെടുത്തണം, ഇത് നമ്മുടെ മലം എളുപ്പത്തില്‍ കടന്നുപോകാന്‍ വന്‍കുടലിനെ സഹായിക്കുന്നു. വന്‍കുടലിന്റെ ആരോഗ്യം മെച്ചപ്പെടുത്താന്‍ സഹായിക്കുന്ന കുറഞ്ഞത് 3 ലിറ്റര്‍ വെള്ളവും നമുക്ക് ദിവസവും ഉണ്ടായിരിക്കണം.
അസിഡിറ്റി:
നിങ്ങളുടെ ശരീരം പതിവായി ദഹനരസങ്ങള്‍ ഉത്പാദിപ്പിക്കുന്ന ജൈവ ഘടികാരമാണ് സര്‍ക്കാഡിയന്‍ റിഥം. അസമയത്ത് ഭക്ഷണം കഴിക്കുന്നതും ഉറങ്ങുന്നതും ഈ താളത്തെ തടസ്സപ്പെടുത്തും. ആരോഗ്യകരമായ ഭക്ഷണ ജാലകം രാവിലെ 8 മുതല്‍ വൈകുന്നേരം 7 വരെയും ഉറക്ക ജാലകം രാത്രി 10 മുതല്‍ രാവിലെ 6 വരെയും ആയിരിക്കണം.
ക്ഷീണം:
മുകളില്‍ പറഞ്ഞ മൂന്ന് കുടല്‍ ആരോഗ്യ രീതികളും നിങ്ങള്‍ പാലിക്കുകയും നിങ്ങളുടെ കുടലിനെ ആരോഗ്യകരമാക്കുകയും ചെയ്യുമ്പോള്‍, പോഷകങ്ങള്‍ പൂര്‍ണ്ണമായി ശരീരം ആഗിരണം ചെയ്യും, അങ്ങനെയാണ് നിങ്ങള്‍ ക്ഷീണ പ്രശ്‌നങ്ങളില്‍ നിന്ന് കരകയറുന്നത്.
Discussion about this post