സമ്പന്നർ സമ്പരാകുന്നത് ഭാഗ്യവും റിസ്‌കും കൊണ്ട് മാത്രമല്ല,അവരുടെ ചില ശീലങ്ങൾ അറിഞ്ഞാലോ?

അതിസമ്പന്നരുടെ ലോകം ദൂരെ നിന്ന് നോക്കുമ്പോൾ വളരെ ആകർഷകമായി തോന്നാറുണ്ടല്ലേ.. ഒരു ദിവസം അവരെ പോലെ വലിയ നേട്ടങ്ങൾ കൈവരിക്കണമെന്ന് സ്വപ്നം കാണുന്ന പലരെയും പ്രചോദിപ്പിക്കുന്നതാണ് സമ്പന്നരുടെ ജീവിതശൈലികളും അവർക്ക് ലഭിക്കുന്ന സൗകര്യങ്ങളും. നമ്മളിൽ മിക്കവരും അതേ പാതയിലൂടെ സഞ്ചരിക്കാനും നമ്മുടെ ആരാധനാപാത്രങ്ങളുടെ ജീവിതയാത്രകളിൽ നിന്ന് പാഠങ്ങൾ സ്വീകരിക്കാനും ശ്രമിക്കുന്നു. അപ്പോൾ യഥാർത്ഥത്തിൽ വിജയ സൂത്രവാക്യം എന്താണ്? അവരുടെ ഭാഗ്യമോ അതോ റിസ്‌ക് എടുക്കാനുള്ള അവരുടെ കഴിവാണോ അവരെ മൾട്ടി-ബില്യണയർമാരാക്കിയത്? ഈ ചോദ്യങ്ങൾക്ക് നിരവധി ഉത്തരങ്ങളുണ്ടാകാമെങ്കിലും, ഏറ്റവും പ്രധാനപ്പെട്ടതും നേടിയെടുക്കാവുന്നതുമായ ഒന്ന് അവരുടെ ‘ശീലങ്ങളാണ്’.

ബുദ്ധിപരമായ നിക്ഷേപങ്ങൾ നടത്തി സമ്പത്ത് കൈകാര്യം ചെയ്യുന്നതിൽ പ്രാവീണ്യം നേടുക

മിക്ക ശതകോടീശ്വരന്മാർക്കും പൊതുവായുള്ള ഒരു കാര്യം, അവരുടെ സാമ്പത്തിക സൂക്ഷ്മത ബിസിനസ്സ് ഇടപാടുകൾക്കപ്പുറമാണ് എന്നതാണ്. അവർ തങ്ങളുടെ സമ്പത്ത് കൈകാര്യം ചെയ്യാൻ തന്ത്രങ്ങൾ മെനയുന്നു. അത് അച്ചടക്കമുള്ള ചെലവായാലും കണക്കുകൂട്ടിയ റിസ്‌ക് എടുത്ത് നിക്ഷേപിച്ചാലും, ഈ ശീലം അടിസ്ഥാനപരമായി ‘നിങ്ങളുടെ എല്ലാ മുട്ടകളും ഒരു കൊട്ടയിൽ ഇടരുത്’ എന്നതിലേക്ക് വിരൽ ചൂണ്ടുന്നു. ഈ രീതി അവരുടെ സാമ്പത്തിക നിലയെ ശക്തിപ്പെടുത്തുന്നു.നിക്ഷേപങ്ങൾ പലയിടത്തായി ചെയ്യുന്നതാണ് സമ്പന്നരുടെ രീതി.

നിങ്ങളുടെ വരുമാനത്തിന് താഴെ ജീവിക്കുക

സമ്പത്ത് ഉണ്ടായിരുന്നിട്ടും, ഫേസ്ബുക്ക് സിഇഒ മാർക്ക് സക്കർബർഗ് എളിമയുള്ള ജീവിതശൈലി നിലനിർത്തുന്നു, ആഡംബരത്തേക്കാൾ ലാളിത്യം തിരഞ്ഞെടുക്കുന്നു. മിന്നുന്ന സ്പോർട്സ് കാറുകൾക്ക് പകരം, അദ്ദേഹം ഒരു ബേസിക് അക്യൂറയാണ് ഓടിക്കുന്നത്, അദ്ദേഹത്തിന്റെ വാർഡ്രോബിൽ പ്രധാനമായും പ്ലെയിൻ ഗ്രേ ടീ-ഷർട്ടുകളാണ്. അതുപോലെ, ലോകത്തിലെ ഏറ്റവും ധനികരായ വ്യക്തികളിൽ ഒരാളായി അറിയപ്പെടുന്ന വാറൻ ബഫറ്റ്, തന്റെ വരുമാനത്തിൽ വളരെ താഴെയാണ് ജീവിക്കുന്നത്, 1958 ൽ 31,500 ഡോളറിന് വാങ്ങിയ അതേവീട്ടിൽ തന്നെയാണ് താമസിക്കുന്നത്. അമിതമായ ചെലവ് ഒഴിവാക്കുന്നതിന്റെയും മിതവ്യയം സ്വീകരിക്കുന്നതിന്റെയും പ്രാധാന്യം കാണിക്കുന്ന ഉത്തമ ഉദാഹരണങ്ങളാണിവ,വരുമാനം വർദ്ധിക്കുമ്പോഴും ജീവിതശൈലിയിൽ ലാളിത്വം പാലിക്കാൻ വ്യക്തികളെ ഉപദേശിക്കുന്നു.

സ്വയം അറിവ് വർദ്ധിപ്പിക്കാനും പുതിയ ഹോബികൾ കണ്ടെത്താനുമുള്ള ശീലം ഒരിക്കലും നിർത്തരുത്

ശതകോടീശ്വരനായ മനുഷ്യസ്നേഹിയായ ബിൽ ഗേറ്റ്സ് തന്റെ വായനാശീലത്തിന് പേരുകേട്ടയാളാണ്. ആജീവനാന്ത പഠനത്തോടുള്ള അദ്ദേഹത്തിന്റെ പ്രതിബദ്ധത, അദ്ദേഹത്തിന്റെ വളർച്ചയ്ക്ക് വളമാകുന്നു.

നിങ്ങളുടെ താത്പര്യങ്ങളുടെ എണ്ണം വർദ്ധിപ്പിക്കുക

ടെസ്ലയ്ക്ക് അപ്പുറത്തേക്ക് എലോൺ മസ്‌കിന്റെ സമ്പത്ത് വ്യാപിക്കുന്നു, സ്പേസ് എക്സ്, എക്സ് (മുമ്പ് ട്വിറ്റർ) ദി ബോറിംഗ് കമ്പനി തുടങ്ങിയ സംരംഭങ്ങൾ അദ്ദേഹത്തിന്റെ വൈവിധ്യമാർന്ന താൽപ്പര്യങ്ങളെ സൂചിപ്പിക്കുന്നു. നൂതന പദ്ധതികളിലും ക്രിപ്റ്റോകറൻസി സംരംഭങ്ങളിലുമുള്ള അദ്ദേഹത്തിന്റെ പങ്കാളിത്തം അദ്ദേഹത്തിന്റെ പോർട്ട്ഫോളിയോയെ കൂടുതൽ വൈവിധ്യവൽക്കരിക്കുന്നു.

സമൂഹത്തിന് തിരികെ നൽകുക

എഴുത്തുകാരിയും മനുഷ്യസ്നേഹിയുമായ മക്കെൻസി സ്‌കോട്ടിനെപ്പോലുള്ള നിരവധി ശതകോടീശ്വരന്മാർ ദാനം ചെയ്യുന്നതിനാണ് മുൻഗണന നൽകുന്നത്. സ്‌കോട്ട് തന്റെ സമ്പത്തിന്റെ ഭൂരിഭാഗവും സംഭാവന ചെയ്യുമെന്ന് പ്രതിജ്ഞയെടുത്തു, ഇതിനകം തന്നെ വിവിധ ആവശ്യങ്ങൾക്കായി കോടിക്കണക്കിന് സംഭാവന ചെയ്തിട്ടുണ്ട്.

ഒരു ശതകോടീശ്വരനാകുക എന്നത് പലപ്പോഴും സ്വപ്‌നമായി മാറിയേക്കാം. എന്നാൽ ഈ പരാമർശിച്ച ചില ശീലങ്ങൾ സംയോജിപ്പിക്കുന്നത് നമ്മുടെ സാമ്പത്തിക ആരോഗ്യത്തെ വളരെയധികം മെച്ചപ്പെടുത്തും