റൈഫിൾ ക്ലബ്ബ് എന്ന ചിത്രത്തിൽ അഭിനയിച്ചതിന്റെ അനുഭവങ്ങൾ പങ്കുവച്ച് നടി സുരഭി ലക്ഷ്മി. സിനിമയിൽ സജീവ് കുമാറുമായുള്ള ചുംബനരംഗത്തെ കുറിച്ചാണ് താരം പറഞ്ഞത്. അതുവരെയും അങ്ങനെയൊരു സീൻ ഞാൻ ചെയ്തിട്ടില്ല. സാധാരണ ഇത്തരം സീനുകൾ ചിത്രീകരിക്കുമ്പോൾ എല്ലാവരും മാറി നിൽക്കും. കാരണം അഭിനയിക്കുന്നവർ അത്ര കംഫർട്ടബിൾ ആയിരിക്കില്ല. എന്നാൽ അടുത്തത് കിസിങ് സീനാണെന്നും എല്ലാവരും വന്നോയെന്ന് ഞാൻ പറഞ്ഞു. ആ സെറ്റിലെ മൊത്തം ആൾക്കാരും ആ സീൻ ചിത്രീകരിക്കുമ്പോൾ അവിടെ ഉണ്ടായിരുന്നുവെന്ന് താരം പറയുന്നു.
കിസിങ് സീൻ എടുക്കുന്നതിന് മുൻപായി സജീവേട്ടൻ സിഗരറ്റ് വലിക്കുന്നതല്ലേ, പോയി ബ്രഷ് ചെയ്ത് വരാൻ പറഞ്ഞു. ലിപ്ലോക് ചെയ്യാൻ പേടിയുണ്ടോ എന്നും ചോദിച്ചു. ഞാനും ഓടിപ്പോയി ബ്രഷ് ചെയ്ത് ഒരു ഏലക്കായ ഒക്കെ മേടിച്ച് കഴിച്ച്, ഓക്കെ റെഡി എന്ന് പറഞ്ഞ് നിന്നുവെന്ന് താരം പറയുന്നു. ആഘോഷമായിട്ടാണ് സീൻ ചെയ്തതെന്നും ലിപ് ലോക്കിന് റീടേക്ക് വേണ്ടി വന്നുവെന്നും നടി കൂട്ടിച്ചേർത്തു.
സുൽത്താൻ ബത്തേരിയിലെ പ്രസിദ്ധമായ ഒരു റൈഫിൾ ക്ലബ്ബിനെ മുൻനിർത്തിക്കൊണ്ട് തൊണ്ണൂറുകളുടെ ആദ്യത്തിൽ നടക്കുന്ന കഥയാണ് ചിത്രം. വിജയരാഘവൻ, ദിലീഷ് പോത്തൻ, വാണി വിശ്വനാഥ്, ദർശന രാജേന്ദ്രൻ, ഉണ്ണിമായ പ്രസാദ്, സുരഭി ലക്ഷ്മി, സുരേഷ് കൃഷ്ണ, വിഷ്ണു അഗസ്ത്യ, അനുരാഗ് കശ്യപ്, ഹനുമാൻകൈൻഡ്, എന്നിവരായിരുന്നു പ്രധാന അഭിനേതാക്കൾ. വയനാട്ടിലെ ഒരു റൈഫിൾ ക്ലബ്ബിലേക്ക് സിനിമാനടനായ ഷാജഹാൻ എത്തുന്നു. അഭിനയത്തിന്റെ ഭാഗമായി വേട്ടയാടുന്ന രീതിയും ശൈലിയുമൊക്കെ പഠിക്കാനാണ് വരവ്. എന്നാൽ, അവർ ക്ലബ്ബിലെത്തുന്ന അതേദിവസം തന്നെ അവിടെ ഷാജഹാന്റെ ബന്ധുവായ യുവാവും കൂട്ടുകാരിയായ യുവതിയുമെത്തുന്നു. അവർ ചില പ്രശ്നങ്ങൾ സൃഷ്ടിച്ചാണ് അവിടെയെത്തുന്നത്. അതിന്റെ ഭാഗമായി ആ റൈഫിൾ ക്ലബ്ബ് ആക്രമിക്കപ്പെടുന്നു.
Discussion about this post