പെൺസുഹൃത്തിനെ സ്യൂട്ട്‌കെയ്‌സിലാക്കി ബോയ്‌സ് ഹോസ്റ്റലിൽ എത്തിക്കാൻ ശ്രമം. ഹരിയാനയിലെ സോനിപത്തിലെ ഒപി ജിൻഡാൽ സർവ്വകലാശാലയിലാണ് സംഭവം. സ്യൂട്ട്‌കെയ്‌സ് ഉരുട്ടിക്കൊണ്ടുപോകുന്നതിനിടെ ബമ്പിൽ തട്ടിയപ്പോൾ പെൺകുട്ടി കരഞ്ഞതോടെയാണ് പദ്ധതി പാളിയതെന്നാണ് വിവരം. ഹോസ്റ്റലിലെ സുരക്ഷാ ജീവനക്കാരാണ് വിദ്യാർത്ഥിയെ പിടികൂടിയത്.
സംഭവത്തിന്റെ ദൃശ്യങ്ങൾ പുറത്തുവന്നു. സുരക്ഷാ ഉദ്യോഗസ്ഥർ തറയിൽ വെച്ചിരിക്കുന്ന സ്യൂട്ട്‌കെയ്‌സ് തുറക്കുന്നതും ഇതിനുള്ളിൽ ചുരുണ്ടുകൂടിയിരുന്ന പെൺകുട്ടി പുറത്തേക്ക് വരുന്നതുമാണ് ദൃശ്യങ്ങളിലുള്ളത്. ഹോസ്റ്റലിലുള്ള വിദ്യാർത്ഥിയാണ് വീഡിയോ റെക്കോർഡ് ചെയ്തിരിക്കുന്നത്. ഇതേ കോളേജിലെ വിദ്യാർത്ഥിനിയാണോ സ്യൂട്ട്‌കെയ്‌സിൽ ഉണ്ടായിരുന്നത് എന്ന കാര്യം വ്യക്തമല്ല.
Discussion about this post