ഗെയിലിന് മുന്നില്‍ തകര്‍ന്നടിഞ്ഞ് ഇംഗ്ലണ്ട്

മുംബൈ: ട്വന്റി-20 ലോകകപ്പ് ഗ്രൂപ്പ് ഒന്നില്‍ ഇംഗ്ലണ്ടിനെതിരേ വെസ്റ്റ് ഇന്‍ഡീസിന് ആറു വിക്കറ്റിന്റെ തകര്‍പ്പന്‍ ജയം.

47 പന്തില്‍ ലോകകപ്പിലെ അതിവേഗ സെഞ്ചുറിയുമായി കളംനിറഞ്ഞ ഗെയ്ിലാണ്(100 നോട്ടൗട്ട്) വിജയശില്‍പി. ഗെയില്‍ 11 തവണയാണ് സിക്‌സര്‍ പറത്തിയത്.

ഇംഗ്ലണ്ട് ഉയര്‍ത്തിയ 183 റണ്‍സിന്റെ വിജയലക്ഷ്യം 11 പന്തുകള്‍ ശേഷിക്കേ വിന്‍ഡീസ് മറികടന്നു. സ്‌കോര്‍: ഇംഗ്ലണ്ട് 20 ഓവറില്‍ ആറിന് 182, വെസ്റ്റ് ഇന്‍ഡീസ് 18.1 ഓവറില്‍ നാലിന് 183.