ന്യൂഡൽഹി : 71-ാമത് ദേശീയ ചലച്ചിത്ര അവാര്ഡുകള് പ്രഖ്യാപിച്ചു. 2023 ല് സെന്സര് ചെയ്ത ചിത്രങ്ങളാണ് അവാര്ഡിന് പരിഗണിച്ചത്. ട്വൽത്ത് ഫെയിൽ ആണ് മികച്ച ചിത്രം. ഷാരൂഖ് ഖാനും വിക്രാന്ത് മാസിയും ആണ് മികച്ച നടൻമാർ. റാണി മുഖർജി മികച്ച നടിയായി തിരഞ്ഞെടുക്കപ്പെട്ടു. മിസിസ് ചാറ്റര്ജി vs നോര്വേ എന്ന ചിത്രത്തിലെ അഭിനയത്തിനാണ് റാണി മുഖർജി മികച്ച നടിയായി തിരഞ്ഞെടുക്കപ്പെട്ടത്. മൂന്നു താരങ്ങളുടെയും ആദ്യ ദേശീയ പുരസ്കാരമാണിത്.
മലയാള സിനിമ ദേശീയ പുരസ്കാരത്തിൽ മികച്ച നേട്ടങ്ങൾ സ്വന്തമാക്കി. നടൻ വിജയരാഘവനും നടി ഉർവശിക്കും പുരസ്കാരങ്ങൾ ലഭിച്ചു. ഉള്ളൊഴുക്ക് മികച്ച മലയാള ചിത്രമായി തിരഞ്ഞെടുക്കപ്പെട്ടു. മികച്ച സഹ നടൻ, മികച്ച സഹനടി എന്നീ പുരസ്കാരങ്ങളാണ് വിജയരാഘവനും ഉർവശിക്കും ലഭിച്ചത്. പൂക്കാലം എന്ന ചിത്രത്തിലെ അഭിനയത്തിനാണ് വിജയരാഘവന് മികച്ച നടനുള്ള പുരസ്കാരം ലഭിച്ചത്. ഉള്ളോഴുക്ക് എന്ന ചിത്രത്തിലെ അഭിനയത്തിന് ഉർവശിക്കും പുരസ്കാരം ലഭിച്ചു.
സുദീപ്തോ സെൻ ആണ് മികച്ച സംവിധായകൻ. കേരള സ്റ്റോറി എന്ന ചിത്രത്തിനാണ് സുദീപ്തോ സെൻ പുരസ്കാരം സ്വന്തമാക്കിയത്. ട്വൽത്ത് ഫെയിൽ എന്ന ചിത്രത്തിലെ അഭിനയത്തിനാണ് വിക്രാന്ത് മാസി മികച്ച നടനായി തിരഞ്ഞെടുക്കപ്പെട്ടത്. ജവാൻ എന്ന ചിത്രത്തിലെ അഭിനയത്തിനാണ് ഷാരൂഖ് ഖാന് മികച്ച നടനുള്ള പുരസ്കാരം ലഭിച്ചത്. കേരള സ്റ്റോറി എന്ന ചിത്രത്തിലൂടെ പ്രശാന്തനു മൊഹപത്ര മികച്ച ഛായാഗ്രഹനായി. മികച്ച കലാസംവിധായകനായി 2018 എന്ന മലയാള ചിത്രത്തിലൂടെ മോഹൻദാസ് തിരഞ്ഞെടുക്കപ്പെട്ടു.
