സംസ്ഥാനത്ത് കനത്ത മഴ തുടർന്നേക്കും. വരും ദിവസങ്ങളിൽ തെക്ക് പടിഞ്ഞാറൻ അറബിക്കടലിൽ ശ്രീലങ്കയ്ക്ക് സമീപം രൂപപ്പെടുന്ന ന്യൂനമർദ്ദമാണ് മഴയ്ക്ക് കാരണമാകുക. ഏതാനും ദിവസങ്ങൾക്ക് മുൻപ് ബംഗാൾ ഉൾക്കടലിൽ ശ്രീലങ്കൻ തീരത്തിന് സമീപത്തായി രൂപം കൊണ്ട ചക്രവാതച്ചുഴി ഇപ്പോൾ കന്യാകുമാരി കടലിന് മുകളിൽ ന്യൂനമർദ്ദമായി മാറിയിരിക്കുകയാണ്. പതിയെ വടക്ക്- പടിഞ്ഞാറ് ദിശയിൽ നീങ്ങുന്ന സിസ്റ്റം കേരളത്തിൽ കനത്ത മഴ നൽകിയിരുന്നു. ഈ സിസ്റ്റമാണ് അറബിക്കടലിലേക്കെത്തുന്നത്.
വ്യാഴാഴ്ച കേരളത്തിൽ എല്ലായിടത്തും മഴക്ക് ഈ സിസ്റ്റം കാരണമായേക്കും. വടക്കൻ കേരളത്തിലാണ് പ്രധാനമായും മഴ പ്രതീക്ഷിക്കുന്നത്. തെക്ക് മധ്യ അറബിക്കടലിൽ വച്ച് സിസ്റ്റം വീണ്ടും ശക്തിപ്പെടാനും സാധ്യതയുണ്ട്.
അതേസമയം, ബംഗാൾ ഉൾക്കടലിൽ തെക്കുകിഴക്കൻ മേഖലയിൽ നവംബർ 22ന് മറ്റൊരു ന്യൂനമർദം കൂടി രൂപം കൊള്ളും. ഈ സിസ്റ്റം തമിഴ്നാട്ടിലും കേരളത്തിലും മഴ നൽകുമെന്നാണ് പ്രാഥമിക സൂചനകൾ
Discussion about this post