ഭീകരവാദത്തെ പിന്തുണയ്ക്കുന്ന രീതിയിൽ പരസ്യ പ്രസ്താവന നടത്തി കലാപാഹ്വാനവുമായി ജാമിയത്ത് ഉലമ ഇ ഹിന്ദ് നേതാവ് മഹമൂദ് മദനി. അടിച്ചമര്‍ത്തല്‍ ഉണ്ടായാല്‍ ജിഹാദും (വിശുദ്ധയുദ്ധം) ഉണ്ടാകുമെന്നാണ് പ്രസ്താവന. ജുഡീഷ്യറിയും സർക്കാരും ന്യൂനപക്ഷ അവകാശങ്ങളെ ദുർബലപ്പെടുത്തുന്നുവെന്ന് മഹമൂദ് മദനി ആരോപിച്ചു.
ബാബറി മസ്ജിദിലും മുത്തലാഖിലും കോടതി സര്‍ക്കാര്‍ സമ്മര്‍ദ്ദത്തിന് വഴങ്ങിയെന്ന് മഹമൂദ് മദനി ആരോപിച്ചു. സുപ്രീംകോടതി സുപ്രീം ആകണമെങ്കില്‍ ഭരണഘടന സംരക്ഷിക്കണമെന്നും മഹമൂദ് മദനി.
ബാബരി മസ്ജിദ്, മുത്തലാഖ് കേസുകൾ ഉൾപ്പെടെയുള്ള സമീപകാല കോടതി വിധികൾ, ജുഡീഷ്യറി “സർക്കാർ സമ്മർദ്ദത്തിന് കീഴിലാണ്” പ്രവർത്തിക്കുന്നതെന്ന് സൂചിപ്പിക്കുന്നുവെന്ന് മദനി ആരോപിച്ചു. “ഭരണഘടന ഉറപ്പുനൽകുന്ന ന്യൂനപക്ഷങ്ങളുടെ അവകാശങ്ങളെ പരസ്യമായി ലംഘിക്കുന്ന” നിരവധി “ഇത്തരം തീരുമാനങ്ങൾ” സമീപ വർഷങ്ങളിൽ പുറത്തുവന്നിട്ടുണ്ടെന്ന് മഹമൂദ് മദനി അവകാശപ്പെട്ടു.
പൊതുചർച്ചകളിൽ ജിഹാദിനെ ചിത്രീകരിക്കുന്ന രീതിയെ എതിർത്ത മഹമൂദ് മദനി , മാദ്ധ്യമങ്ങളും സർക്കാരും ഒരു പവിത്രമായ ആശയത്തെ വളച്ചൊടിക്കുകയാണെന്ന് ആരോപിച്ചു. “ലവ് ജിഹാദ്”, “സ്പിറ്റ് ജിഹാദ്”, “ലാൻഡ് ജിഹാദ്” തുടങ്ങിയ ലേബലുകൾ ഉപയോഗിക്കുന്നതിനെ മഹമൂദ് മദനി വിമർശിച്ചു.”ജിഹാദ് വിശുദ്ധമായിരുന്നു, എന്നും നിലനിൽക്കും,” മതഗ്രന്ഥങ്ങളിൽ ജിഹാദിനെക്കുറിച്ച് പരാമർശിക്കുന്നത് “മറ്റുള്ളവരുടെ നന്മയ്ക്കും പുരോഗതിക്കും വേണ്ടി മാത്രമാണ്. “അടിച്ചമർത്തൽ ഉണ്ടെങ്കിൽ ജിഹാദ് ഉണ്ടാകുമെന്ന് മഹമൂദ് മദനി കൂട്ടിച്ചേർത്തു.
Discussion about this post