വന്ദേമാതരം വിദേശത്ത് താമസിക്കുന്ന ഇന്ത്യക്കാരെപ്പോലും പ്രചോദിപ്പിച്ചുവെന്ന് പ്രതിരോധമന്ത്രി രാജ്‌നാഥ് സിംഗ്.വന്ദേമാതരം ഒരിക്കലും ബംഗാളിൽ മാത്രം ഒതുങ്ങി നിന്നിരുന്നില്ല. പഞ്ചാബ് മുതൽ തമിഴ്‌നാട് വരെയും ബോംബെ പ്രസിഡൻസി വരെയും രാജ്യം മുഴുവൻ അത് പ്രതിധ്വനിച്ചുവെന്ന് അദ്ദേഹം ചൂണ്ടിക്കാട്ടി. വിദേശത്ത് താമസിക്കുന്ന ഇന്ത്യക്കാർക്കും ഈ മുദ്രാവാക്യം പ്രചോദനമായെന്നും അദ്ദേഹം കൂട്ടിച്ചേർത്തു, ലണ്ടനിലായാലും പാരീസിലായാലും ജനീവയായാലും കാനഡയിലായാലും ഇന്ത്യക്കാർ വന്ദേമാതരം ഒരു ഏകീകരണ മന്ത്രമായി ചൊല്ലുന്നത് തുടർന്നുവെന്നും അദ്ദേഹം വ്യക്തമാക്കി.
ഭരണഘടനയുടെ ആർട്ടിക്കിൾ 51 (എ) പ്രകാരം ദേശീയഗാനത്തിന്റെ അതേ രീതിയിൽ വന്ദേമാതരത്തെയും ആദരിക്കുന്നത് ബങ്കിം ബാബുവിനൊപ്പം ദേശീയഗാനത്തിനുള്ള തികഞ്ഞ ആദരാഞ്ജലിയായിരിക്കുമെന്ന് പ്രതിരോധ മന്ത്രി രാജ്‌നാഥ് സിംഗ് പറഞ്ഞു.
വന്ദേമാതരത്തെക്കുറിച്ചുള്ള ചർച്ചയെ എതിർത്ത കോൺഗ്രസിനെ പ്രതിരോധ മന്ത്രി രാജ്‌നാഥ് സിംഗ് കടന്നാക്രമിച്ചു. “1950 ജനുവരി 24 ന് ഭരണഘടനാ അസംബ്ലി ദേശീയ ഗാനം അംഗീകരിച്ചു, പാർലമെന്റിൽ അര മണിക്കൂർ ചർച്ച മാത്രമേ നടന്നുള്ളൂ. അത് അത്ര പ്രധാനപ്പെട്ട ഒരു വിഷയമല്ലായിരുന്നതുകൊണ്ടാണോ? ഇല്ല. വിപുലമായ ഒരു ചർച്ച നടത്തിയിരുന്നെങ്കിൽ അന്നത്തെ സർക്കാർ തുറന്നുകാട്ടപ്പെടുമായിരുന്നു എന്നതിനാലായിരുന്നു അത്. വന്ദേമാതരം നമ്മുടെ ദേശീയഗാനമാകാൻ അവർ ആഗ്രഹിച്ചില്ലെന്ന് അദ്ദേഹം കുറ്റപ്പെടുത്തി.
