എറണാകുളം : ശബരിമലയിലെ നെയ്യ് വില്പന തട്ടിപ്പിൽ വിജിലൻസ് അന്വേഷണത്തിന് ഉത്തരവിട്ട് കേരള ഹൈക്കോടതി. ശബരിമല തീർത്ഥാടകർക്ക് വില്പന നടത്തുന്ന ആടിയ ശിഷ്ടം നെയ്യിൽ 35 ലക്ഷം രൂപയുടെ തട്ടിപ്പ് നടന്നതായാണ് കണ്ടത്തിൽ. നെയ്യ് വിൽപ്പനയിൽ നിന്നുള്ള പണം വകമാറ്റി ചെലവഴിച്ചുവെന്ന ആരോപണത്തിൽ ഉന്നതതല വിജിലൻസ് അന്വേഷണം നടത്താൻ ഹൈക്കോടതി ഉത്തരവിട്ടു. തിരുവിതാംകൂർ ദേവസ്വം ബോർഡ് ജീവനക്കാരുടെ മോശം പെരുമാറ്റത്തിൽ ജസ്റ്റിസുമാരായ രാജ വിജയരാഘവൻ വി, കെവി ജയകുമാർ എന്നിവർ ഞെട്ടൽ രേഖപ്പെടുത്തി.
നെയ്യ് വിൽപ്പനയിൽ നിന്നുള്ള വരുമാനം തിരുവിതാംകൂർ ദേവസ്വം ബോർഡിന്റെ ജീവനക്കാർ ബോർഡിന്റെ ട്രഷറിയിൽ നിക്ഷേപിക്കുന്നതിനുപകരം ധൂർത്തടിക്കുന്നതായാണ് കോടതി കണ്ടെത്തിയിരിക്കുന്നത്. 16,628 പാക്കറ്റ് നെയ്യ് പണമടയ്ക്കാതെ വിറ്റതായാണ് ചീഫ് വിജിലൻസ് റിപ്പോർട്ട് വെളിപ്പെടുത്തുന്നത്. അതിൽ 13,679 പാക്കറ്റുകൾ 13,67,900 രൂപ വിലവരുന്നതാണ്. 2025 ഡിസംബർ 27 മുതൽ 2026 ജനുവരി 2 വരെ 22,565 പാക്കറ്റുകളുടെ അധിക കുറവ് 22,65,500 രൂപയുടെ വരുമാന നഷ്ടത്തിന് കാരണമായി. ഇത് വെറും അശ്രദ്ധയല്ലെന്നും ഇന്ത്യൻ ശിക്ഷാ നിയമത്തിനും അഴിമതി നിരോധന നിയമത്തിനും കീഴിലുള്ള വ്യക്തമായ ക്രിമിനൽ ദുരുപയോഗമാണെന്നും കോടതി വിശേഷിപ്പിച്ചു.
രണ്ട് മാസത്തിനുള്ളിൽ 35 ലക്ഷം രൂപയുടെ തിരിച്ചടയ്ക്കാത്ത ഫണ്ട് ഗുരുതരമായ ക്രിമിനൽ ലംഘനമാണെന്ന് കോടതി വ്യക്തമാക്കി. കൗണ്ടർ ഹാൻഡ്ഓവറുകളിലെ സ്റ്റോക്ക് പരിശോധന, രേഖകളുടെ കൃത്യതയില്ലായ്മ, ഫണ്ട് നിക്ഷേപം വൈകിപ്പിക്കൽ തുടങ്ങിയ അടിസ്ഥാന സുരക്ഷാ സംവിധാനങ്ങളുടെ അഭാവത്തെ കോടതി ശക്തമായി അപലപിച്ചു. ഈ ചെറിയ കാലയളവിൽ ഇത്രയും തട്ടിപ്പ് നടന്നെങ്കിൽ കൂടുതൽ പരിശോധനകൾ നടത്തിയാൽ വലിയ രീതിയിലുള്ള തട്ടിപ്പ് നടന്നിരിക്കാൻ സാധ്യതയുണ്ട് എന്നാണ് കോടതി സൂചിപ്പിക്കുന്നത്.
Discussion about this post