ന്യൂഡൽഹി : ധനമന്ത്രി നിർമ്മല സീതാരാമൻ ഇന്ന് പാർലമെന്റിൽ അവതരിപ്പിച്ച കേന്ദ്ര ബജറ്റിനെ കുറിച്ചുള്ള മാധ്യമങ്ങളുടെ ചോദ്യത്തിന് മറുപടിയില്ലാതെ രാഹുൽ ഗാന്ധി. മറുപടി നാളെ പറയാം എന്നും അദ്ദേഹം വിശദീകരിച്ചു. അതേസമയം കേന്ദ്രബജറ്റ് ദിശാബോധമില്ലാത്തതാണെന്ന് പശ്ചിമബംഗാൾ മുഖ്യമന്ത്രി മമത ബാനർജി പ്രതികരിച്ചു. ബംഗാളിന് ബജറ്റിൽ ഒന്നും നൽകിയിട്ടില്ല എന്നും മമത കുറ്റപ്പെടുത്തി.
വരാനിരിക്കുന്ന നിയമസഭാ തെരഞ്ഞെടുപ്പിൽ തോൽക്കുമെന്ന ബിജെപിയുടെ ഭയം മൂലമാണ് പശ്ചിമ ബംഗാൾ അവഗണിക്കപ്പെട്ടതെന്നും മമതാ ബാനർജി ആരോപിച്ചു. ദിശാബോധമില്ലാത്തതും, കാഴ്ചപ്പാടില്ലാത്തതും, സാധാരണക്കാർക്ക് ഒന്നും വാഗ്ദാനം ചെയ്യാത്തതുമായ ബജറ്റ് ആണ് കേന്ദ്രസർക്കാർ അവതരിപ്പിച്ചതെന്നും മമത വിമർശിച്ചു.
