ബോക്സ് ഓഫീസിൽ എക്കാലത്തെയും ഏറ്റവും വിജയകരമായ ഇന്ത്യൻ ചിത്രങ്ങളിലൊന്നായി മാറിയ ധുരന്ധർ ഇപ്പോൾ പാകിസ്താനിലും തരംഗമാവുകയാണ്. ഒടിടി റിലീസിന് പിന്നാലെ നെറ്റ്ഫ്ലിക്സ് പാകിസ്താനിൽ കാഴ്ചക്കാരുടെ എണ്ണത്തിൽ ഒന്നാം സ്ഥാനത്തെത്തിയിരിക്കുകയാണ് ധുരന്ധർ. നേരത്തെ പാകിസ്താനിലെ തിയേറ്ററുകളിൽ സർക്കാർ ഈ സിനിമയ്ക്ക് നിരോധനം പ്രഖ്യാപിച്ചിരുന്നു.
ഇന്ത്യയിലും വിദേശത്തും വലിയ സ്വീകാര്യത ലഭിച്ച ധുരന്ധർ ഇപ്പോൾ ഒടിടി പ്ലാറ്റ്ഫോം ആയ നെറ്റ്ഫ്ലിക്സ് ആണ് സ്ട്രീം ചെയ്യുന്നത്. നെറ്റ്ഫ്ലിക്സിൽ ചിത്രം എത്തിയതിന് പിന്നാലെ വൈകാതെ തന്നെ പാകിസ്താനിലെ ഏറ്റവും കൂടുതൽ ഉപഭോക്താക്കൾ കണ്ട ചിത്രമായി ധുരന്ധർ മാറി. പാകിസ്താനിലും നിരവധി ഗൾഫ് രാജ്യങ്ങളിലും നിരോധനം ഉണ്ടായിരുന്നിട്ടു പോലും ആദിത്യ ധർ സംവിധാനം ചെയ്ത ചിത്രം 1300 കോടി രൂപയിലധികം കളക്ഷൻ നേടി ചരിത്രനേട്ടം സ്വന്തമാക്കിയിരുന്നു. 2026 മാർച്ച് 19 ന് ധുരന്ധർ രണ്ടാം ഭാഗം റിലീസ് ചെയ്യാൻ തയ്യാറെടുക്കുകയാണ് അണിയറ പ്രവർത്തകർ.
Discussion about this post