പി. പത്മരാജന്റെ തൂലികയിൽ വിരിഞ്ഞ, മലയാള സിനിമയിലെ എക്കാലത്തെയും മികച്ച മിസ്റ്ററി ത്രില്ലറുകളിൽ ഒന്നാണ് ‘സീസൺ’ (1989). മോഹൻലാൽ നായകനായ ഈ ചിത്രം അതിന്റെ മേക്കിംഗ് ശൈലി കൊണ്ടും കഥപറച്ചിൽ രീതി കൊണ്ടും ഇന്നും ഒരു കൾട്ട് ക്ലാസ്സിക്കായി നിലനിൽക്കുന്നു.
കോവളത്തെ വിദേശ വിനോദസഞ്ചാരികൾക്കിടയിൽ ജീവിക്കുന്ന ജീവൻ (മോഹൻലാൽ) എന്ന യുവാവിനെ കേന്ദ്രീകരിച്ചാണ് കഥ നടക്കുന്നത്. അയാൾ അവിടെ ഒരു ചെറിയ ബിസിനസ്സ് നടത്തുകയാണ്. എന്നാൽ ഈ ശാന്തതയ്ക്ക് പിന്നിൽ മയക്കുമരുന്ന് മാഫിയയുടെയും ചതിയുടെയും ഇരുണ്ട ലോകമുണ്ട്.
രണ്ട് കാലഘട്ടങ്ങളിലായാണ് സിനിമയുടെ കഥ വികസിക്കുന്നത്. ആദ്യ പകുതിയിൽ, ജീവൻ തന്റെ സുഹൃത്തായ ഫാബിയനുമായി (ഗവിൻ പാക്കാർഡ്) ചേർന്ന് നടത്തുന്ന മയക്കുമരുന്ന് ഇടപാടുകളും, അതിനിടയിൽ അവർ ചതിക്കപ്പെടുന്നതും കാണിക്കുന്നു. ജീവൻ ജയിലിലാകുന്നു. ശേഷം തന്നെ ചതിച്ച ഫാബിയന്റെ കഥാപാത്രത്തോട് നടത്തുന്ന പ്രതികാരവും ശേഷം അയാളുടെ ജീവിതത്തിൽ എന്ത് സംഭവിക്കുന്നു എന്നുമാണ് സിനിമ ചർച്ച ചെയ്യുന്നത്.
മലയാള സിനിമയിൽ ‘ബ്രേക്കിംഗ് ദി ഫോർത്ത് വാൾ’ (Breaking the fourth wall) എന്ന രീതി, അതായത് നായകൻ നേരിട്ട് പ്രേക്ഷകരോട് കഥ പറയുന്ന ശൈലി പരീക്ഷിച്ച ആദ്യകാല ചിത്രങ്ങളിൽ ഒന്നാണിത്. മോഹൻലാലിന്റെ സ്റ്റൈലിഷ് ആയ അഭിനയവും ഇളയരാജയുടെ പശ്ചാത്തല സംഗീതവും സിനിമയ്ക്ക് ഒരു അന്താരാഷ്ട്ര നിലവാരം നൽകി.
മലയാള സിനിമ ചരിത്രത്തിലെ തന്നെ ഏറ്റവും മികച്ച ക്ലൈമാക്സ് എന്ന് സീസണിലെ അവസാന രംഗം കണ്ടപ്പോൾ തോന്നിയിട്ടുണ്ട്. കനത്ത ആളുകൾ ഉണ്ടെങ്കിൽ ഈ ചിത്രം കണ്ട് നോക്കാവുന്നതാണ്.
Discussion about this post