പ്രിയദർശൻ-മോഹൻലാൽ കൂട്ടുകെട്ടിൽ 1985-ൽ പുറത്തിറങ്ങിയ മലയാളത്തിലെ എക്കാലത്തെയും മികച്ച പ്യുവർ കോമഡി ചിത്രങ്ങളിൽ ഒന്നാണ് ‘അരം + അരം = കിന്നരം. മെക്കാനിക്കായ നാരായണൻകുട്ടിയും (മോഹൻലാൽ) ബാലചന്ദ്രനും (ശങ്കർ) സുഹൃത്തുക്കളാണ്.
വളരെ അടിച്ചുപൊളിച്ച് ഒന്നിനെയും കാര്യമായി കാണാതെ പോകുന്ന ഇരുവർക്കും പ്രണയമുണ്ട്. അതിനിടയിൽ ജീവിതത്തിലേക്ക് അപ്രതീക്ഷിതമായി കടന്നുവരുന്ന ചില നുണകളും ആൾമാറാട്ടങ്ങളും സൃഷ്ടിക്കുന്ന പൊട്ടിച്ചിരിപ്പിക്കുന്ന സംഭവവികാസങ്ങളാണ് സിനിമയുടെ കാതൽ. ജഗതി ശ്രീകുമാറിന്റെ വർക്ക്ഷോപ്പ് മുതലാളി കഥാപാത്രം മനോഹരനും ലാലേട്ടനും ചേർന്നുള്ള രംഗങ്ങൾ ഇന്നും മലയാളികളെ കുടുകുടെ ചിരിപ്പിക്കുന്നവയാണ്.
കുറെ ആൾമാറാട്ടവും, നുണകളും ഒകെ വെച്ചുണ്ടാക്കിയ സിമ്പിൾ തിരക്കഥ ആണെങ്കിലും ഈ മിടുക്കരായ കഥാപാത്രങ്ങൾ ചേർന്നപ്പോൾ പ്രിയദർശൻ അതിൽ ഒരു കോമഡി ക്ലാസിക്ക് ഒരുക്കി. തുടക്കം മുതൽ അവസാനം വരെ യാതൊരു സമ്മർദ്ദവും ഇല്ലാതെ കാണാൻ പറ്റിയ മലയാള ചിത്രങ്ങളിൽ മുന്നിൽ ഉള്ള പേരായി നമുക്ക് ഇതിനെ പറയാം.
കാണാത്ത ആളുകൾ ഉണ്ടെങ്കിൽ ഇത് ആസ്വദിച്ച് കാണുക ആ സമയം നിങ്ങൾക്ക് ഒരിക്കലും നഷ്ടമാകില്ല.
Discussion about this post