കൃത്യമായ പ്ലാനിംഗും സമയക്രമവും ഉണ്ടെങ്കിൽ ഏതൊരു അസാധ്യ കാര്യവും സാധ്യമാക്കാം എന്ന് വിശ്വസിച്ചിരുന്ന ശ്യാം തന്റെ പ്ലാനിങ് ഉപയോഗിക്കുന്നത് ഒരു പ്രത്യേക കാര്യത്തിനാണ്. ഒരേസമയം മൂന്ന് എയർ ഹോസ്റ്റസുമാരെ പ്രണയിക്കുകയും അവർക്കൊപ്പം ഒരേ വീട്ടിൽ കഴിയുകയും ചെയ്ത ശ്യാമിന്റെ വിചിത്രമായ ‘ടൈം മാനേജ്മെന്റ്’ കഥ പറഞ്ഞ ചിത്രമായിരുന്നു ബോയിംഗ് ബോയിംഗ്. പ്രിയദർശന്റെ സംവിധാനത്തിൽ പിറന്ന ഈ കോമഡി ചിത്രം നമ്മളിൽ പലരെയും ഏറെ ചിരിപ്പിച്ച ഒന്നായിരുന്നു.
ഓരോ കാമുകിയും വീട്ടിലെത്തുമ്പോൾ അവരുടെ ഫോട്ടോ മാറ്റിവെച്ചും, അവർക്ക് പ്രിയപ്പെട്ട ഭക്ഷണം നൽകിയും ശ്യാം തന്റെ നാടകം തുടർന്നു. ഇതിനായി വീട്ടിലെ ജോലിക്കാരി ഡിക്കമ്മായിയുടെ (സുകുമാരി) സഹായം തേടുന്നു. സുഹൃത്ത് അനിൽ (മുകേഷ്) ശ്യാമിന്റെ വീട്ടിലെത്തിയതോടെയാണ് പ്ലാനുകൾ പാളാൻ തുടങ്ങിയത്. ശ്യാമിന്റെ കള്ളങ്ങൾ മനസ്സിലാക്കിയ അനിൽ, അത് മുതലെടുത്ത് ആ വീട്ടിൽ അധികാരം സ്ഥാപിക്കാൻ ശ്രമിക്കുന്നതോടെ ചിരിയുടെ പുകിലുകൾ ആരംഭിക്കുന്നു.
ശ്യാം ഒരിക്കലും ചിന്തിക്കാത്ത കാര്യം അതിനിടയിൽ അയാളുടെ പ്ലാനുകൾ തെറ്റിച്ച് നടക്കുന്നതോടെ ബോയിംഗ് ബോയിംഗ് പിന്നെ മറ്റൊരു രീതിയിലേക്ക് പോകുന്നു. ശേഷം നടക്കുന്ന കാര്യങ്ങളാണ് സിനിമ പറയുന്നത്. പ്രിയദർശനും ശ്രീനിവാസനും ചേർന്നാണ് ചിത്രത്തിന്റെ കഥ ഒരുക്കിയത്. ഇന്നത്തെ കാലഘട്ടത്തിൽ ഡബിൾ മീനിങ് പറയാൻ വേണ്ടി മാത്രം സിനിമകൾ ചിലത് എങ്കിലുമൊക്കെ ഇറങ്ങുമ്പോൾ ഈ സിനിമയുടെ പ്ലോട്ട് നിങ്ങളൊന്ന് നോക്കുക.
മൂന്ന് സ്ത്രീകളും അതിനിടയിൽ മുറപ്പെണുമൊക്കെ ഉള്ള ശ്യാമിന്റെ ജീവിതത്തിൽ അദ്ദേഹം കാണിക്കുന്ന തമാശകൾ മാറ്റി നിർത്തിയാൽ ഒരു ഡബിൾ മീനിനിങ് ഡയലോഗ് പോലും ഈ ചിത്രത്തിൽ ഇല്ല. അതാണ് ഈ ചിത്രത്തെ ഇന്നും പ്രിയപ്പെട്ടതാക്കാനുള്ള ഒരു ഘടകം എന്ന് തോന്നിയിട്ടുണ്ട്.
Discussion about this post