മലയാള സിനിമയിലെ എക്കാലത്തെയും മികച്ച ഇൻവെസ്റ്റിഗേറ്റീവ് ത്രില്ലറുകളിൽ ഒന്നാണ് ‘പിൻഗാമി’ ). സത്യൻ അന്തിക്കാട് സംവിധാനം ചെയ്ത ഈ ചിത്രം ബോക്സ് ഓഫീസിൽ വിചാരിച്ച വിജയം നേടിയില്ലെങ്കിലും, പിൽക്കാലത്ത് ഒരു ‘കൾട്ട് ക്ലാസിക്’ ആയി മാറി. രഘുനാഥ് പാലേരിയുടെ തന്നെ ‘കുമാരൻ സംഭവിക്കാനിരുന്നത്’ എന്ന ചെറുകഥയെ ആസ്പദമാക്കി അദ്ദേഹം തന്നെ തിരക്കഥയൊരുക്കിയ ചിത്രമായിരുന്നു ഇത്.
ക്യാപ്റ്റൻ വിജയ് മേനോൻ (മോഹൻലാൽ) എന്ന പട്ടാളക്കാരൻ കഥാപാത്രം അവധിക്ക് നാട്ടിലെത്തുമ്പോൾ അപ്രതീക്ഷിതമായി കുമാരൻ (തിലകൻ) എന്നൊരാൾ അപകടത്തിൽപ്പെട്ട് കിടക്കുന്നത് കാണുന്നു. ആശുപത്രിയിലെത്തിച്ചെങ്കിലും കുമാരൻ മരിക്കുന്നു. എന്നാൽ അതൊരു സാധാരണ അപകടമല്ലെന്നും കൊലപാതകമാണെന്നും വിജയ് തിരിച്ചറിയുന്നു. എന്താണ് കുമാരന് തന്റെ കുടുംബവുമായിട്ടുള്ള ബന്ധം, എന്താണ് അയാളുടെ മരണകാരണം, ഈ കാര്യങ്ങളൊക്കെയാണ് വിജയ് കണ്ടുപിടിക്കുന്നതും തുടർന്നുള്ള പ്രതികാരവുമൊക്കെയാണ് ഈ സിനിമ പറയുന്ന കഥ.
കുടുംബ ചിത്രങ്ങളുടെ സംവിധായകനായ സത്യൻ അന്തിക്കാടിന്റെ ചിത്രമാണ് പിൻഗാമി എന്ന് പറഞ്ഞാൽ പലരും സംശയിച്ചു പോകുന്ന സ്റ്റൈലിൽ ഉള്ള മേക്കിങ് ആയിരുന്നു സിനിമയുടെ പ്രത്യേകത. സംഭാഷങ്ങളും, കളർ ടോണും ആക്ഷനും എല്ലാം വ്യത്യസ്തമായിരുന്നു ഈ സിനിമയിൽ. ചിത്രത്തിൽ മോഹൻലാൽ പറയുന്ന” ഞാൻ യൂണിഫോമിൽ ആയിരുന്നു വന്നതെങ്കിൽ” എന്ന ഡയലോഗിന് ഒകെ ഫാൻസ് ഏറെയാണ്. എന്നാൽ ഈ സിനിമയിലെ ഒരു രംഗത്തെക്കുറിച്ച് ആരാധകർ ഇപ്പോൾ കൂടുതലായി പറയുന്നുണ്ട്.
സിനിമയിൽ കുമാരേട്ടൻ എഴുതിയ ഒരു കത്തിന്റെ അഡ്രസ് തേടി വിജയ് മേനോനും കൂട്ടുകാരൻ കുട്ടി ഹസ്സനും കൂടി നടത്തുന്ന യാത്രയുണ്ട്. എങ്ങനെ എങ്കിലും അഡ്രസ് കിട്ടാനുള്ള ശ്രമങ്ങൾ പലതും നടക്കാതെ പോകുന്ന വിഷമത്തിൽ ഇരുവരും നിൽക്കുന്ന സമയത്താണ് ആ വഴിക്ക് ഒരു സ്കൂൾ ബസ് പോകുന്നത്.
കുട്ടി ഹസ്സൻ ആ സമയത്ത് ആ സ്കൂൾ ബസിൽ എഴുതിയിരിക്കുന്നത് ഇങ്ങനെ വായിക്കുന്നു” ജെസി മോസസ് കോൺവന്റ്റ്” പെട്ടെന്ന് വിജയ് മേനോൻ ” ജെസി മോസസ് കോൺവെന്റ് അല്ലെടാ ഹോളി ഏയ്ഞ്ചൽസ് കോവന്റ്” പെട്ടെന്ന് പഴയ ആ അഡ്രസ്സ് ഓർത്തു പറയുന്ന വിജയ് മേനോന്റെ കണ്ണിന്റെ ചലനത്തിൽ മാറ്റമുണ്ടാകുന്നു. ഒരു തരം തിളക്കം അയാളുടെ കണ്ണുകളിൽ അപ്പോൾ കാണാൻ സാധിക്കുന്നു. അതുവരെ പറഞ്ഞിരുന്ന ഡയലോഗ് ടോണിൽ നിന്ന് ഒരു സന്തോഷത്തിന്റെ ടോണിലേക്ക് സംഭാഷണം മാറ്റുന്ന രീതിയുണ്ട്.
ഈ സിനിമയിൽ അധികം ആരും ശ്രദ്ധിച്ചിട്ടില്ലാത്ത സീനാകും ഇത്. പിൻഗാമി സിനിമ കാണുമ്പോൾ ഈ രംഗം ശ്രദ്ധിച്ചിട്ടില്ലെങ്കിൽ നിങ്ങൾ ഒന്ന് ശ്രദ്ധിച്ചുകൊള്ളുക .
Discussion about this post