ഇന്ത്യ ജയിച്ചു, പാകിസ്ഥാനിൽ ടിവികൾ തകർന്നു; തോൽവിക്ക് പിന്നാലെ അതിർത്തിക്കപ്പുറത്ത് പതിവ് ‘ആഘോഷം

ടി20 ലോകകപ്പിലെ ഇന്ത്യ-പാകിസ്ഥാൻ പോരാട്ടത്തിന് പിന്നാലെ പാക് ആരാധകർ നിരാശയുടെ പടുകുഴിയിൽ. കൊളംബോയിൽ നടന്ന മത്സരത്തിൽ ഇന്ത്യയോട് 61 റൺസിന് തോറ്റതോടെ പാക് ആരാധകർ തങ്ങളുടെ രോഷം സോഷ്യൽ മീഡിയയിലൂടെ പ്രകടിപ്പിക്കുകയാണ്.

ഇന്ത്യയുയർത്തിയ 176 റൺസ് പിന്തുടർന്ന പാകിസ്ഥാൻ 114 റൺസിന് തകർന്ന് വീണതോടെയാണ് അതിർത്തിക്കപ്പുറത്ത് ആരാധകരുടെ നിയന്ത്രണം വിട്ടത്. തോൽവിക്ക് പിന്നാലെ ഒരു പാക് ആരാധകൻ തന്റെ ടെലിവിഷൻ തല്ലിത്തകർക്കുന്ന വീഡിയോ ഇപ്പോൾ ഇന്റർനെറ്റിൽ വൈറലായിരിക്കുകയാണ്.

സാധാരണ ഇന്ത്യ- പാകിസ്ഥാൻ മത്സരത്തിനൊടുവിൽ പാകിസ്‌ഥാൻ തോറ്റാൽ ഈ ടിവി തല്ലിപൊട്ടിക്കുന്നത് ഒകെ അവിടെ ഒരു പതിവ് കാഴ്ച്ചയാണ്. അതിനാൽ തന്നെ ചിരിച്ചാണ് ആളുകൾ ഈ വീഡിയോ കാണുന്നത്. മത്സരത്തിൽ പാകിസ്ഥാൻ തോറ്റ സങ്കടം ഉള്ളിൽ ഉണ്ടെങ്കിലും രാജ്യത്തുള്ള ടിവി കട നടത്തുന്ന ആളുകൾ ഒകെ ഈ തോൽ‌വിയിൽ സന്തോഷിക്കും എന്നത് ഉൾപ്പടെ ഉള്ള ട്രോളുകൾ സജീവമാണ്.

മത്സരശേഷം ഇന്ത്യൻ ഓൾറൗണ്ടർ അക്സർ പട്ടേൽ നടത്തിയ പ്രതികരണം പാക് – ഇന്ത്യ മത്സരത്തെ വലിയ യുദ്ധമായി കാണുന്നവർക്കുള്ള മറുപടിയായിരുന്നു “ഞങ്ങൾ അവരെ ഒരു ടീമായി മാത്രമേ കാണുന്നുള്ളൂ. അല്ലാതെ ഇതൊരു വലിയ വൈര്യമാണെന്നോ മറ്റോ ചിന്തിക്കാറില്ല. മറ്റൊരു ടീമിനെ നേരിടുന്നത് പോലെ ഒരു എതിരാളിയായി മാത്രമേ പാകിസ്ഥാനെ കാണുന്നുള്ളൂ,” അക്സർ പറഞ്ഞു. ഐസിസി ടൂർണമെന്റുകളിൽ ഇന്ത്യയും പാകിസ്ഥാനും തമ്മിലുള്ള റെക്കോർഡ് 8-1 ആയി മാറിയ സാഹചര്യത്തിലാണ് അക്സറിന്റെ ഈ പരാമർശം.”

പാക് ബാറ്റിംഗ് നിരയിൽ ഉസ്മാൻ ഖാൻ (44) മാത്രമാണ് അല്പമെങ്കിലും പൊരുതിയത്. ഹാർദിക് പാണ്ഡ്യ, ജസ്പ്രീത് ബുംറ, അക്സർ പട്ടേൽ എന്നിവരുടെ പ്രഹരത്തിൽ 34 റൺസിനിടെ 4 വിക്കറ്റ് നഷ്ടമായ പാകിസ്ഥാൻ ഒരിക്കൽ പോലും മത്സരത്തിലേക്ക് തിരിച്ചുവന്നില്ല. ഈ വിജയത്തോടെ മൂന്ന് കളികളിൽ മൂന്ന് വിജയവുമായി ഇന്ത്യ ഗ്രൂപ്പ് എയിൽ ഒന്നാം സ്ഥാനത്തും സൂപ്പർ-8 റൗണ്ടിലും ഇടംപിടിച്ചു. എന്നാൽ പാകിസ്ഥാൻ ഇപ്പോൾ മൂന്നാം സ്ഥാനത്തേക്ക് പിന്തള്ളപ്പെട്ടിരിക്കുകയാണ്. രണ്ട് വിജയങ്ങളുള്ള യുഎസ്എ ആണ് രണ്ടാം സ്ഥാനത്ത്.

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Freel%2F1577195670066044%2F&show_text=0&width=267″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>