ചെന്നൈ : നിയമസഭാ തിരഞ്ഞെടുപ്പിൽ തമിഴ്നാട്ടിൽ ആരുമായും സഖ്യം ഉണ്ടാക്കില്ലെന്ന് വ്യക്തമാക്കി തമിഴഗ വെട്രി കഴകം (ടിവികെ) മേധാവി വിജയ്. പാർട്ടി സ്വതന്ത്രമായി മത്സരിക്കുമെന്നും ഒറ്റയ്ക്ക് മത്സരിച്ച് വിജയിക്കുമെന്നും വിജയ് സൂചിപ്പിച്ചു. ടിവികെ സംഘടിപ്പിച്ച ഇഫ്താർ സംഗമത്തിൽ സംസാരിക്കവേയാണ് വിജയ് ഇക്കാര്യം വ്യക്തമാക്കിയത്.
” ഞങ്ങൾ ഒരു ടീമിന്റെയും ഭാഗമല്ല, ഞങ്ങൾ ഇപ്പോൾ ജനങ്ങളുടെ മാത്രം അവകാശമാണെന്ന് അവർ മനസ്സിലാക്കിയിരിക്കുന്നു. ആശയക്കുഴപ്പം സൃഷ്ടിക്കാൻ ചിലർ ആവർത്തിച്ച് ശ്രമിക്കുന്നുണ്ട്. എന്നാൽ ഒരു പ്രചാരണങ്ങളും ഫലിച്ചില്ല. ഇത് തിരിച്ചറിഞ്ഞിട്ടും അവർ കിംവദന്തികൾ പ്രചരിപ്പിക്കുന്നത് തുടർന്നു. ഒന്നും ഫലിക്കാത്തപ്പോൾ, വിജയ് ഏതെങ്കിലും ഒരു സഖ്യത്തിൽ ചേരുന്നുവെന്ന് തെറ്റായ വിവരണങ്ങൾ പ്രചരിപ്പിച്ചു. മതേതരത്വത്തിന്റെയും സാമൂഹിക നീതിയുടെയും തത്വങ്ങളിൽ താനോ തന്റെ പാർട്ടിയോ വിട്ടുവീഴ്ച ചെയ്യില്ലെന്ന് വ്യക്തമായി പറയാൻ ആഗ്രഹിക്കുന്നു,” എന്നും വിജയ് വ്യക്തമാക്കി.
