ശ്രീനഗര്‍ ; ജമ്മു കശ്മീരില്‍ സുരക്ഷാ സൈനികരും ഭീകരരും തമ്മില്‍ ഏറ്റുമുട്ടല്‍. ബരാമുള്ളയിലെ സോപോര്‍ പ്രദേശത്ത് ഭീകരര്‍ ഒളിഞ്ഞിരിപ്പുണ്ടെന്ന് സൈനികര്‍ക്ക് ലഭിച്ച വിവരത്തെത്തുടര്‍ന്ന് നടത്തിയ തിരച്ചിലിനിടെയാണ് വെടിവയ്പ് ഉണ്ടായത്.
ഇന്ത്യന്‍ സേനയും പൊലീസും സംയുക്തമായി നടത്തിയ തിരച്ചിലിനൊടുവില്‍ ഭീകരര്‍ ആക്രമണം നടത്തുകയായിരുന്നു. ഇതേത്തുടര്‍ന്ന് ഇന്ത്യന്‍ സൈന്യവും തിരിച്ചു വെടിവച്ചു. വെടിവയ്പില്‍ രണ്ടു ഭീകരര്‍ കൊല്ലപ്പെട്ടതായാണ് വിവരം. ഇവര്‍ പാക്കിസ്ഥാനിലെ ലഷ്‌കര്‍ ഇ തായിബ ഭീകരരാണെന്നാണ് റിപ്പോര്‍ട്ടുകള്‍. വെടിവയ്പ് ഇപ്പോഴും തുടരുകയാണ്.
Discussion about this post