ഐപിഎൽ 2026-ൽ പഞ്ചാബ് കിംഗ്സിനായി മികച്ച ഫോമിൽ പന്തെറിയുന്നതിനിടെ സ്പിന്നർ യൂസ്വേന്ദ്ര ചഹൽ പുതിയ വിവാദത്തിൽ. ആഡംബര സ്പോർട്സ് കാർ ഓടിക്കുന്നതിനിടയിൽ സിഗരറ്റ് വലിക്കുകയും അതിന്റെ അവശിഷ്ടം അശ്രദ്ധമായി റോഡിലേക്ക് എറിയുകയും ചെയ്യുന്ന വീഡിയോ പുറത്തുവന്നതോടെയാണ് താരം വിമർശനങ്ങൾ നേരിടുന്നത്.
സീസൺ തുടങ്ങുന്നതിന് മുൻപ് എബി ഡിവില്ലിയേഴ്സിന്റെ യൂട്യൂബ് ചാനലിന് നൽകിയ അഭിമുഖത്തിൽ ലഹരി ഉപേക്ഷിക്കുന്നതിനെക്കുറിച്ച് ചഹൽ സംസാരിച്ചിരുന്നു. “ഞാൻ മദ്യപാനം നിർത്തിയിട്ട് ആറ് മാസത്തിലധികമായി. ഇപ്പോൾ എനിക്ക് 35 വയസ്സായി, ടീമിനായി 150% അധ്വാനിക്കാൻ ഞാൻ ആഗ്രഹിക്കുന്നു. ഒരു സീനിയർ താരം എന്ന നിലയിൽ ഐപിഎല്ലിലെ മറ്റുള്ളവർക്ക് എന്നിൽ നിന്ന് നല്ലത് പഠിക്കാനുണ്ടാകണം,” എന്നായിരുന്നു ചഹലിന്റെ അന്നത്തെ വാക്കുകൾ. എന്നാൽ ഈ പ്രസ്താവനയ്ക്ക് വിരുദ്ധമാണ് താരത്തിന്റെ പുതിയ പ്രവർത്തി എന്ന് ആരാധകർ ചൂണ്ടിക്കാട്ടുന്നു.
വിവാദങ്ങൾ ഒരു വശത്ത് നടക്കുമ്പോഴും കളിക്കളത്തിൽ ചഹൽ മികച്ച ഫോമിലാണ്. പഞ്ചാബ് കിംഗ്സിനായി കളിച്ച മത്സരങ്ങളിൽ ഏഴ് എന്ന മികച്ച ഇക്കോണമിയിൽ പന്തെറിയാൻ താരത്തിന് സാധിച്ചു. ഐപിഎൽ ചരിത്രത്തിൽ 200 വിക്കറ്റ് എന്ന നാഴികക്കല്ല് പിന്നിട്ട ആദ്യ ബൗളറായ ചഹലിന്റെ പേരിൽ ഇപ്പോൾ 224 വിക്കറ്റുകളുണ്ട്.
ഐപിഎൽ 2026-ൽ ഇതുവരെ തോൽവി അറിയാത്ത രണ്ട് ടീമുകളിൽ ഒന്നാണ് പഞ്ചാബ് കിംഗ്സ് (മറ്റൊന്ന് രാജസ്ഥാൻ റോയൽസ്).
🚨 YUZI CHAHAL SMOKING VIDEO GOES VIRAL 🚨
Yuzvendra Chahal is facing heavy
backlash online after a late-night video of him went viral. Netizens are calling him out for allegedly smoking and throwing a cigarette onto the road while driving. pic.twitter.com/tjUlZH0Gf7— Jeet (@JeetN25) April 10, 2026
