ന്യൂഡൽഹി : മുതിർന്ന കോൺഗ്രസ് നേതാവും കോൺഗ്രസ് പാർലമെന്ററി പാർട്ടി അധ്യക്ഷയുമായ സോണിയ ഗാന്ധിയെ ആശുപത്രിയിൽ പ്രവേശിപ്പിച്ചു. ഹരിയാനയിലെ ഗുരുഗ്രാമിലുള്ള മേദാന്ത മെഡിസിറ്റിയിലാണ് സോണിയ ഗാന്ധി ചികിത്സ തേടിയിരിക്കുന്നത്. ‘ചെറിയ ശസ്ത്രക്രിയക്കായി പ്രവേശിപ്പിച്ചു’ എന്നാണ് ആശുപത്രിവൃത്തങ്ങൾ അറിയിക്കുന്നത്. സോണിയ ഗാന്ധിയുടെ ആരോഗ്യനിലയിൽ ആശങ്കയുടെ സാഹചര്യം ഇല്ല എന്നും ആശുപത്രി അറിയിച്ചു.
സോണിയ ഗാന്ധിയുടെ നില മെച്ചപ്പെട്ടതാണെന്നും ഡോക്ടർമാരുടെ നിരീക്ഷണത്തിലാണെന്നും കോൺഗ്രസ് വൃത്തങ്ങൾ വ്യക്തമാക്കി. രാഹുൽ ഗാന്ധി ആശുപത്രിയിലെത്തി അമ്മയെ സന്ദർശിച്ചു. കഴിഞ്ഞ കുറച്ചു കാലങ്ങളായി സോണിയ ഗാന്ധി വിവിധ ആരോഗ്യപ്രശ്നങ്ങൾ നേരിട്ടിരുന്നു. കഴിഞ്ഞ മാർച്ച് മാസത്തിൽ പനിയെ തുടർന്ന് ഡൽഹിയിലെ സർ ഗംഗാറാം ആശുപത്രിയിൽ പ്രവേശിപ്പിച്ചിരുന്നു. വയറിലെ അണുബാധയുമായി ബന്ധപ്പെട്ട് മുൻപും അവർ ചികിത്സ തേടിയിട്ടുണ്ട്.
