ബൈക്ക് പ്രേമികളുടെ നെഞ്ചിടിപ്പായ റോയൽ എൻഫീൽഡ് ഇന്ത്യയിൽ വൻ നിർമാണവിപുലീകരണത്തിന് ഒരുങ്ങുന്നു. ആന്ധ്രാപ്രദേശിൽ 2500 കോടി രൂപയുടെ പുതിയ അത്യാധുനികഗ്രീൻഫീൽഡ് മാനുഫാക്ചറിംഗ് പ്ലാൻ്റ് സ്ഥാപിക്കാനാണ് കമ്പനി ലക്ഷ്യമിടുന്നത്. ആഭ്യന്തരവിപണിയിലും ആഗോളതലത്തിലും ബുള്ളറ്റ് ബൈക്കുകൾക്കുള്ള ഡിമാൻഡ് കുതിച്ചുയരുന്നപശ്ചാത്തലത്തിലാണ് റോയൽ എൻഫീൽഡിൻ്റെ ഈ വമ്പൻ നീക്കം. ആന്ധ്രാപ്രദേശിലെ തിരുപ്പതിക്ക്സമീപമുള്ള താഡയിലാണ് പുതിയ പ്ലാൻ്റിനായി കമ്പനി ഭൂമി ഏറ്റെടുക്കുന്നത്.
മാതൃകമ്പനിയായ ഐഷർ മോട്ടോഴ്സിൻ്റെ (Eicher Motors) ഡയറക്ടർ ബോർഡിൻ്റെ അന്തിമഅംഗീകാരം ലഭിക്കുന്ന മുറയ്ക്ക് പദ്ധതിയുടെ നിർമാണ പ്രവർത്തനങ്ങൾ ആരംഭിക്കും. വിപണിയിലെ ആവശ്യകതയും ബിസിനസ് സാഹചര്യങ്ങളും മുൻനിർത്തി ഘട്ടം ഘട്ടമായിട്ടായിരിക്കുംപ്ലാൻ്റിൻ്റെ വികസനം പൂർത്തിയാക്കുക. നിലവിൽ റോയൽ എൻഫീൽഡിൻ്റെ നിർമാണയൂണിറ്റുകളെല്ലാം തന്നെ പൂർണ്ണ ശേഷിയിലാണ് പ്രവർത്തിച്ചുകൊണ്ടിരിക്കുന്നത്. നിലവിൽപ്രതിവർഷം 14.6 ലക്ഷം ബൈക്കുകൾ നിർമിക്കാനുള്ള ശേഷിയാണ് കമ്പനിക്കുള്ളത്. ഉത്പാദനംവർദ്ധിപ്പിക്കുന്നതിനായി തമിഴ്നാട്ടിലെ ചെയ്യാർ പ്ലാൻ്റിൽ 958 കോടി രൂപയുടെ നിക്ഷേപം കമ്പനിഈ വർഷം ആദ്യം പ്രഖ്യാപിച്ചിരുന്നു. ഇതോടെ ആകെ ഉത്പാദന ശേഷി 20 ലക്ഷമായിഉയരും.ഇതിന് പുറമെയാണ് ഇപ്പോൾ ആന്ധ്രാപ്രദേശിലേക്ക് കൂടി നിർമാണം വ്യാപിപ്പിക്കുന്നത്.
നിലവിൽ തമിഴ്നാട്ടിൽ മാത്രം നാല് നിർമാണ യൂണിറ്റുകളാണ് റോയൽ എൻഫീൽഡിന് ഉള്ളത്. പുതിയ നിക്ഷേപം കമ്പനിയുടെ അടുത്ത ഘട്ടത്തിലുള്ള വളർച്ചയ്ക്ക് വലിയ ഊർജ്ജം നൽകുമെന്ന്ഐഷർ മോട്ടോഴ്സ് മാനേജിംഗ് ഡയറക്ടറും റോയൽ എൻഫീൽഡ് സിഇഒയുമായ ബി. ഗോവിന്ദരാജൻ വ്യക്തമാക്കി. നിലവിൽ ആന്ധ്രാപ്രദേശിൽ മാത്രം നൂറിലധികം റീട്ടെയിൽ-സർവീസ്ഔട്ട്ലെറ്റുകളും 1200-ലധികം പ്രത്യക്ഷവും പരോക്ഷവുമായ തൊഴിലവസരങ്ങളും റോയൽഎൻഫീൽഡ് സൃഷ്ടിച്ചിട്ടുണ്ട്. പുതിയ പ്ലാൻ്റ് വരുന്നതോടെ ആയിരക്കണക്കിന് ആളുകൾക്ക് കൂടിതൊഴിൽ ലഭിക്കുമെന്നാണ് റിപ്പോർട്ടുകൾ. ഇന്ത്യയ്ക്ക് പുറമെ ബ്രസീൽ, തായ്ലൻഡ്, അർജൻ്റീന, കൊളംബിയ, നേപ്പാൾ, ബംഗ്ലാദേശ് എന്നീ ആറ് രാജ്യങ്ങളിലായി 7 അസംബ്ലി യൂണിറ്റുകളുംചെന്നൈയിലും യുകെയിലുമായി രണ്ട് അത്യാധുനിക ടെക്നിക്കൽ സെൻ്ററുകളും കമ്പനിക്കുണ്ട്. ലോകമെമ്പാടുമുള്ള 80-ലധികം രാജ്യങ്ങളിലായി 3200-ലധികം സ്റ്റോറുകളിലൂടെയാണ് റോയൽഎൻഫീൽഡ് ഇന്ന് വിപണി ഭരിക്കുന്നത്. കഴിഞ്ഞ സാമ്പത്തിക വർഷം മാത്രം 12 ലക്ഷത്തിലധികംബൈക്കുകളാണ് കമ്പനി ആഗോളതലത്തിൽ വിറ്റഴിച്ചത്. പുതിയ പ്ലാൻ്റ് യാഥാർത്ഥ്യമാകുന്നതോടെവരാനിരിക്കുന്ന ഹിമാലയൻ 750, കോണ്ടിനൻ്റൽ ജിടി 750 ഉൾപ്പെടെയുള്ള പുത്തൻമോഡലുകളുടെ നിർമാണം വേഗത്തിലാക്കാൻ കമ്പനിക്ക് സാധിക്കും.
