ന്യൂസിലൻഡ് മണ്ണിൽ സഞ്ജു സാംസൺ പരാജയപ്പെടുമെന്ന് പ്രവചിച്ച വിമർശകരുടെ വായടപ്പിച്ച് മലയാളി താരത്തിന്റെ തകർപ്പൻ വെടിക്കെട്ട് ഇന്നിംഗ്സ്. കിവികൾ ഉയർത്തിയ 226 റൺസെന്ന കൂറ്റൻ ലക്ഷ്യം പിന്തുടരുന്ന ഇന്ത്യക്കായി ഓപ്പണറായി ഇറങ്ങിയ സഞ്ജു, ന്യൂസിലൻഡ് ബൗളർമാരെ നാണംകെടുത്തുന്ന ബാറ്റിംഗ് പ്രകടനമാണ് പുറത്തെടുത്തത്. വെറും 33 പന്തുകളിൽ നിന്ന് 8 ഫോറുകളും 4 സിക്സറുകളും അടക്കം 203.03 സ്‌ട്രൈക്ക് റേറ്റിൽ 67 റൺസാണ് സഞ്ജു അടിച്ചുകൂട്ടിയത്
. പവർപ്ലേയിൽ ന്യൂസിലൻഡ് പേസർമാരായ മാറ്റ് ഹെൻറി, ആദം മിൽനെ, ലോക്കി ഫെർഗൂസൺ എന്നിവരെ നാനാഭാഗത്തേക്കും പറത്തിയ സഞ്ജു, വെറും 23 പന്തിലാണ് തന്റെ അർദ്ധസെഞ്ചുറി പൂർത്തിയാക്കിയത്. മറ്റൊരു ഓപ്പണറായ അഭിഷേക് ശർമ്മയ്ക്കൊപ്പം (12 പന്തിൽ 29) ചേർന്ന് ആദ്യ വിക്കറ്റിൽ വെറും 35 പന്തിൽ 93
റൺസിന്റെ വലിയ കൂട്ടുകെട്ടാണ് സഞ്ജു പടുത്തുയർത്തിയത്. പവർപ്ലേയിലെ ആദ്യ 6 ഓവറിൽ തന്നെ 94 റൺസ് വാരിക്കൂട്ടാൻ ഇന്ത്യക്ക് സാധിച്ചു. ഒടുവിൽ മിച്ചൽ സാന്റ്നറുടെ പന്തിൽ ബൗൾഡായാണ് സഞ്ജു പുറത്തായതെങ്കിലും, ഇന്ത്യയെ ശക്തമായ അടിത്തറയിൽ എത്തിച്ച ശേഷമാണ് താരം മടങ്ങിയത്. 9.3 ഓവറിൽ 32 വിക്കറ്റ് നഷ്ടത്തിൽ 117 റൺസ് എന്ന നിലയിലുള്ള ഇന്ത്യക്ക് ഇനി ജയിക്കാൻ 63 പന്തിൽ 109 റൺസ് കൂടി വേണം. സഞ്ജുവിന്റെ വിക്കറ്റിന് പിന്നാലെ 6 റൺസ് എടുത്ത തിലക് വർമ്മയുടെ വിക്കറ്റും ഇന്ത്യക്ക് നഷ്ടമായി. ഇഷാൻ കിഷൻ, ക്യാപ്റ്റൻ ശ്രേയസ് അയ്യർ, നിതീഷ് കുമാർ റെഡ്ഡി തുടങ്ങിയ വൻ ബാറ്റിംഗ് നിര ബാക്കിയുണ്ട്.
