കൊച്ചി: മകളെ മനസ് മാറ്റി മതം മാറ്റിച്ചുവെന്ന് ഐഎസില്‍ ചേര്‍ന്നുവെന്ന സംശയിക്കുന്ന എറണാകുളം സ്വദേശി മെറിന്റെ അമ്മ മാധ്യമങ്ങളോട് പറഞ്ഞു. ഇരുവരും തമ്മില്‍ പ്രണയത്തിലായിരുന്നു. മതം മാറ്റി വിവാഹം കഴിക്കുകയായിരുന്നു. കുടുംബത്തെയും മതം മാറ്റാന്‍ നോക്കിയെന്നും മെറിന്റെ അമ്മ പറഞ്ഞു.
മുമ്പും ഇവര്‍ ശ്രീലങ്കയിലേക്ക് പോയിരുന്നു. മതത്തെ കുറിച്ച് കൂടുതല്‍ പഠിക്കാനാണ് എന്നാണ് മകളും ഭര്‍ത്താവ് യഹിയയും പറഞ്ഞതെന്നും മെറിന്റെ വീട്ടുകാര്‍ പറഞ്ഞു.
അവര്‍ക്ക് എല്ലാത്തിലും വലുത് മതമായിരുന്നുവെന്നും ഇവര്‍ പറയുന്നു. പാലക്കാട് സ്വദേശിയായ ദമ്പതിമാര്‍ ഐഎസില്‍ ചേര്‍ന്നുവെന്ന് സംശയിക്കുന്നതായ വാര്‍ത്ത വന്ന ഞെട്ടലിലാണ് മെറിന്റെ കുടുംബം. കൃസ്ത്യന്‍ മതക്കാരനായ പയ്യനുമായി പെണ്‍കുട്ടി സ്‌ക്കൂളില്‍ പഠിക്കുമ്പോള്‍ പ്രണയത്തിലായിരുന്നു. പിന്നീട് ഇയാള്‍ മതം മാറി യഹിയ എന്ന പേര് സ്വീകരിച്ചു.
പിന്നീട് മെറിനെയും മതം മാറ്റിയെന്ന് കുടുംബം പറയുന്നു. യഹിയയുടെ സഹോദരനും മതം മാറിയിരുന്നു. ഇസ എന്ന പേര് സ്വീകരിച്ച ഇയാള്‍ തിരുവനന്തപുരം സ്വദേശിനിയായ നിമിഷയെ പ്രണയിച്ച് മതം മാറ്റി വിവാഹം കഴിച്ചു. ഫാത്തിമ എന്ന പേര് സ്വീകരിച്ച നിമിഷയും ഐഎസില്‍ ചേര്‍ന്നതായി സംശയമുണ്ട്.
Discussion about this post