ഇന്ത്യയുടെ എന്എസ്ജി പ്രവേശനം തടഞ്ഞ ചൈനയ്ക്ക് തിരിച്ചടി
ഡല്‍ഹി: എന്‍എസ്ജിയില്‍ അംഗമല്ലാത്ത പാക്കിസ്ഥാന് ആണവ റിയാക്ടര്‍ നല്‍കിയ ചൈന എന്എസ്ജി വ്യവസ്ഥകള്‍ ലംഘിച്ചു. ആണവനിര്‍വ്യാപനക്കരാറില്‍ ഒപ്പ് വച്ചിട്ടില്ലെന്ന് ചൂണ്ടിക്കാട്ടി ഇന്ത്യയുടെ എന്‍.എസ്.ജി പ്രവേശനം തടസ്സപ്പെടുത്തിയ ചൈന.്ക്ക് ഇത് വലിയ തിരിച്ചടിയാകും. പാകിസ്ഥാന് ആണവ റിയാക്ടര്‍ നല്‍കിയതിലൂടെ ചൈന എന്‍.എസ്.ജി വ്യവസ്ഥകള്‍ ലംഘിച്ചെന്ന് ആണവായുധ നിയന്ത്രണ വിഭാഗം കണ്ടെത്തി.
പാകിസ്ഥാന് ആണവ നിര്‍വ്യാപന കരാര്‍ ഒപ്പുവച്ചിട്ടില്ല എന്ന് മാത്രമല്ല അന്തര്‍ദേശീയ ആണവ ഊര്‍ജ്ജ വിഭാഗത്തിന്റെ സുരക്ഷാ മാനദണ്ഡങ്ങള്‍ക്ക് പുറത്താണ് പാകിസ്ഥാന്. അത്തരം ഒരു രാജ്യത്തിന് എന്‍.എസ്.ജി അംഗ രാജ്യമായ ചൈന ആണവ റിയാക്ടറും ഇന്ധനവും അനുബന്ധ ഉപകരണങ്ങളും നല്‍കിയത് എന്‍.എസ്.ജി വ്യവസ്ഥകളുടെ കടുത്ത ലംഘനമാണെന്നാണ് ആണവായുധ നിയന്ത്രണ വിഭാഗത്തിന്റെ റിപ്പോര്‍ട്ടില്‍ പറയുന്നു.
2013 ലാണ് ആണവറിയാക്ടര്‍ നല്‍കാനുള്ള കരാറില്‍ ചൈനയും പാകിസ്ഥാനും ഒപ്പുവച്ചത്. കരാര്‍ പ്രകാരം പാകിസ്ഥാന് ആണവ റിയാക്ടര്‍ കൂടാതെ ആണവ സാമഗ്രികള്‍ നല്‍കാമെന്നും ചൈന സമ്മതിച്ചിരുന്നു. കരാറിന് അന്തര്‍ദേശീയ ആണവ ഊര്‍ജ്ജ വിഭാഗത്തിന്റെ അനുമതി ആവശ്യമാണ് എന്നാല്‍ സുരക്ഷാ മാനദണ്ഡങ്ങള്‍ പാലിക്കാത്ത പാകിസ്ഥാനുമായുള്ള കരാറിന് ഇതുവരെ അനുമതി ലഭിച്ചിട്ടില്ല.
2004 ലാണ് ചൈനക്ക് എന്‍.എസ്.ജി അംഗത്വം ലഭിച്ചത്. ആണവായുധം വഹിക്കാന്‍ കഴിയുന്ന ബാലിസ്റ്റിക് മിസൈല്‍ നിര്‍മ്മിക്കാന്‍ പാകിസ്ഥാനെ സഹായിച്ചെന്ന് കണ്ടെത്തിയതിനെ തുടര്‍ന്ന് അന്തര്‍ദേശീയ മിസൈല്‍ സാങ്കേതിക വിദ്യനിയന്ത്രണ ഗ്രൂപ്പില്‍ (എം.റ്റി.സി.ആര്‍) ചൈനയെ ഇതുവരെ ഉള്‍പ്പെടുത്തിയട്ടില്ല. അതേസമയം ഇന്ത്യ നിലവില്‍ എം.റ്റി.സി.ആറില്‍ അംഗമാണ്.
Discussion about this post