ചെന്നൈ: സൂപ്പര്‍സ്റ്റാര്‍ രജനികാന്തിന്റെ ട്വിറ്റര്‍ അക്കൗണ്ട് ഹാക്ക് ചെയ്തു. ചൊവ്വാഴ്ചയായിരുന്നു സംഭവം. എന്നാല്‍ മണിക്കൂറുകള്‍ക്കകം അക്കൗണ്ട് തിരിച്ചു പിടിച്ചതായി രജനികാന്തിന്റെ മകള്‍ ഐശ്വര്യ രജനിക്കാന്ത് ട്വീറ്റ് ചെയ്തു. അക്കൗണ്ട് ഹാക്ക് ചെയ്തയാള്‍ രജനികാന്തിന്റെ അക്കൗണ്ട് ഉപയോഗിച്ച് ചലച്ചിത്ര രംഗത്തുള്ള പല പ്രമുഖരെയും ഫോളോ ചെയ്തിരുന്നു.
നടന്‍മാരായ ആമിര്‍ ഖാന്‍, കമല്‍ഹാസന്‍, ഷാരൂഖ് ഖാന്‍ കബാലിയുടെ സംവിധായകന്‍ പാ രഞ്ജിത്, നിര്‍മാതാവ് തനും, പി.ആര്‍.ഒ റിയാസ് അഹമ്മദ് എന്നിവരെയാണ് ഹാക്കര്‍ ഫോളോ ചെയ്തത്.
തുടര്‍ന്ന് ഇയാള്‍ അക്കൗണ്ടില്‍ നിന്ന് ട്വീറ്റ് ചെയ്തതോടെയാണ് അക്കൗണ്ട് ഹാക്ക് ചെയ്യപ്പെട്ട വിവരം പുറത്താകുന്നത്. ‘Rajanikanth #HitToKill’ എന്നാണ് അക്കൗണ്ട് ഹാക്ക് ചെയ്തയാള്‍ ട്വീറ്റ് ചെയ്തത്.
എന്നാല്‍ അക്കൗണ്ട് തിരികെ ലഭിച്ചതോടെ ഹാക്കര്‍ നടത്തിയ എല്ലാ പ്രവര്‍ത്തനങ്ങളും പിന്‍വലിച്ചു.
Discussion about this post