കൊച്ചി: ക്ഷേത്രങ്ങളെ ആയുധപ്പുരകളാക്കാന് അനുവദിക്കില്ലെന്ന് ദേവസ്വം വകുപ്പ് മന്ത്രി കടകംപള്ളി സുരേന്ദ്രന്. ക്ഷേത്രങ്ങളില് ആര്എസ്എസ് നടത്തിവരുന്ന ശാഖയെക്കുറിച്ച് നിരവധി പരാതികളാണ് ലഭിക്കുന്നതെന്നും ഇത് അവസാനിപ്പിക്കാന് വേണ്ട കര്ശന നടപടികള് സര്ക്കാരിന്റെ ഭാഗത്ത് നിന്ന് ഉണ്ടാകുമെന്നും മന്ത്രി പറഞ്ഞു. തന്റെ ഫേസ്ബുക്ക് പേജിലാണ് അദ്ദേഹം ഇക്കാര്യം വ്യക്തമാക്കിയത്.
ദേവസ്വം ബോര്ഡിന് കീഴിലുള്ള ക്ഷേത്രങ്ങളില് ആര്എസ്എസ് ഉള്പ്പടെയുള്ള സംഘടനകള് നടത്തി വരുന്ന അനധികൃത പ്രവര്ത്തനങ്ങളെ കുറിച്ച് നിരവധി പരാതികളാണ് എനിക്ക് ദിവസേന ലഭിക്കുന്നത്. ഈ സാഹചര്യത്തില് ഇത് സംബന്ധിച്ച് പൊതുസമൂഹത്തില് നിലനില്ക്കുന്ന ആശങ്കകളകറ്റേണ്ടതുണ്ട്.
ക്ഷേത്രങ്ങള് ആചാരങ്ങളുടേയും വിശ്വാസങ്ങളുടേയും കേന്ദ്രമാണ്. വിശ്വാസികളെ ക്ഷേത്രങ്ങളില് നിന്നും അകറ്റി, ക്ഷേത്രങ്ങളെ ആയുധപ്പുരകളാക്കി മാറ്റാനാണ് ആര്എസ്എസ് ശാഖയും ആയുധപരിശീലനവും നടത്തുക വഴി ശ്രമിക്കുന്നത്. നാടിന്റെ മതേതര സ്വഭാവവും സമാധാനാന്തരീക്ഷവും തകര്ക്കുന്ന ഇത്തരം സാമൂഹ്യവിരുദ്ധപ്രവര്ത്തനങ്ങളുടെ കേന്ദ്രങ്ങളായി ക്ഷേത്രങ്ങളെ മാറ്റാന് അനുവദിക്കില്ല. പ്രസ്തുത പരാതികള്ക്ക് മേല് അടിയന്തരനടപടികള് സ്വീകരിക്കാനും അനധികൃത പ്രവര്ത്തനങ്ങള് അവസാനിപ്പിക്കാനും വേണ്ട കര്ശനമായ ഇടപെടല് സര്ക്കാരിന്റെ ഭാഗത്ത് നിന്ന് ഉടനുണ്ടാകും എന്ന് വ്യക്തമാക്കിയാണ് മന്ത്രിയുടെ ഫേസ്ബുക്ക് പോസ്റ്റ് അവസാനിക്കുന്നത്.
[fb_pe url=”https://www.facebook.com/kadakampally/posts/1246096792101915″ bottom=”30″]
Discussion about this post