കൊച്ചി: അനധികൃതമായ സ്വത്ത് വെളിപ്പെടുത്തുന്നതിനുള്ള സമയപരിധി സെപ്തംബര് 30ന് അവസാനിക്കേ കേരളത്തില് പിടിമുറുക്കാന് ആദായനികുതി വകുപ്പ്. വലിയ തോതില് കേരളത്തില് കള്ളപ്പണം ഉള്ളതായാണ് വകുപ്പിന് ലഭിച്ചിരിക്കുന്ന പ്രാഥമിക തെളിവുകള്. 1200 കോടിയുടെ അനധികൃത സ്വത്ത് ഇതിനകം കണ്ടെത്തിയതായി ആദായ നികുതി വകുപ്പ് അറിയിച്ചു. 2016ലെ ആദ്യത്തെ ആറ് മാസത്തിനിടെ 29 സ്ഥലങ്ങളില് വകുപ്പ് റെയ്ഡ് നടത്തിയിരുന്നു. ഇ ൈപരിശോധനയിലാണ് ഇത്രയും മൂല്യമുള്ള അനധികൃത സ്വത്ത് കണ്ടെത്തിയത്.
15.25 കോടി പണമായാണ് പിടിച്ചെടുത്തത്. 16 കോടി രൂപ വിലമതിക്കുന്ന സ്വര്ണവും പിടിച്ചെടുത്തവയില്പ്പെടുന്നതായി വകുപ്പ് വെളിപ്പെടുത്തിയിരുന്നു. അനധികൃതമായി സമ്പാദിച്ച വസ്തു വകകള്, സഹകരണ സ്ഥാപനങ്ങളിലെയും ബാങ്കിതര ധനകാര്യ സ്ഥാപനങ്ങളിലെയും നിക്ഷേപങ്ങള് എന്നിവ കണ്ടെത്തിയിട്ടുണ്ട്. ഇതിന്റെ കൃത്യമായ കണക്ക് തിട്ടപ്പെടുത്തി വരുന്നതേ ഉള്ളു. ഇത് എത്രവരുമെന്ന് വകുപ്പ് വ്യക്തമാക്കിയിട്ടില്ല.
മുത്തൂറ്റ് ഗ്രൂപ്പ് സ്ഥാപനങ്ങളുടെ റെയ്ഡില് മാത്രം 800 കോടി രൂപയുടെ കള്ളപ്പണം കണ്ടെത്തിയിരുന്നു. തുടര്ന്നുള്ള അന്വേഷണത്തില് ഇനിയും കള്ളപ്പണം കണ്ടെത്താനാകുമെന്നാണ് ആദായനികുതി വകുപ്പ് പറയുന്നത്. നിരവധി പണമിടപാടുകള് സംബന്ധിച്ചും സ്വര്ണപ്പണയം സംബന്ധിച്ചും ഒട്ടേറെ നിയമ ലംഘനങ്ങള് കണ്ടെത്തിയിട്ടുണ്ടെന്ന് ആദായ നികുതി വകുപ്പ് പ്രിന്സിപ്പല് ചീഫ് കമ്മിഷണര് പ്രണബ് കുമാര് ദാസ് വെളിപ്പെടുത്തിയിരുന്നു.
വന് ക്രമക്കേടുകളുടെ നിരവധി തെളിവുകള് കിട്ടിയിട്ടുണ്ട്. പന്ത്രണ്ടോളം ഉദ്യോഗസ്ഥരാണ് അന്വേഷണ സംഘത്തിലുള്ളത്. അന്വേഷണം പൂര്ത്തിയാകാന് രണ്ട് മാസമെങ്കിലുമെടുക്കുമെന്നാണ് വിവരം. ഇപ്പോഴത്തെ കണക്ക് പ്രകാരം മുത്തൂറ്റ് ഗ്രൂപ്പ് 300 കോടിയോളം രൂപ പിഴയിനത്തില് അടക്കേണ്ടി വരും.
കേന്ദ്രസര്ക്കാരിന്റെ കള്ളപ്പണം കണ്ടെത്തല് നടപടി കേരളത്തിലും ശക്തമാക്കാനാണ് നീക്കം. മലബാര് ഉള്പ്പടെയുള്ള മേഖലകളില് വലിയ തോതിലുള്ള കള്ളപ്പണം ഒഴുകുന്നത് ശ്രദ്ധയില് പെട്ടിട്ടുണ്ട്. വലിയ തോതിലുള്ള നിക്ഷേപങ്ങളും മറ്റും പരിശോധിക്കിം. കള്ളപ്പണം തടയാനുള്ള നീക്കങ്ങള് കേരളത്തില് ശക്തമല്ലെന്നാണ് ആദായനികുതി വകുപ്പിന്റെ വിലയിരുത്തല്. കേരളമൊഴികെ മറ്റ് സംസ്ഥാനങ്ങളില് ഇത്തരം വിവരങ്ങള് ശേഖരിക്കുന്നതിനായി ഐജി റാങ്കിലുള്ള ഉദ്യോഗസ്ഥനെ അതത് സര്ക്കാരുകള് ചുമതലപ്പെടുത്തിയിട്ടുണ്ട്. പക്ഷേ, കേരളത്തില് ഇത് നടപ്പായിട്ടില്ല.
മറ്റ് സംസ്ഥാനങ്ങളെ അപേക്ഷിച്ച് വിദേശരാജ്യങ്ങളില് നിന്ന് വലിയ തോതില് പണം എത്തുന്ന സംസ്ഥാനമാണ് കേരളം. ഇത്തരം പണവിനിമയത്തിന്റെ മറവില് വലിയ തോതില് കള്ളപ്പണം ഒഴുകുന്നുണ്ടെന്നാണ് വിവരം. കോടികള് ചിലവഴിച്ചുള്ള നിര്്്മാണ പ്രവര്ത്തനങ്ങള്, റിയല് എസ്റ്റേറ്റ് ഇടപാടുകള് തുടങ്ങിയവ നിരീക്ഷണത്തിലാണ്. കള്ളപ്പണം രാജ്യവിരുദ്ധ പ്രവര്ത്തനങ്ങള്ക്കായി ഉപയോഗിക്കുന്നുണ്ടെന്ന രഹസ്യാന്വേഷണ ഏജന്സികളുടെ കണ്ടെത്തലും ആദായ നികുതി വകുപ്പിന്റെ മുന്നിലുണ്ട്. വരും ദിവസങ്ങളില് കേരളത്തിലെ പല ധനകാര്യ സ്ഥാപനങ്ങളിലും പരിശോധന നടക്കും. രാഷ്ട്രീയ നേതാക്കളുടെ ബിനാമി നിക്ഷേപം ഉള്പ്പടെ വലിയ തോതിലുള്ള കള്ളപ്പണ നിക്ഷേപം പരിശോധനയില് പുറത്ത് വരുമെന്നാണ് കേന്ദ്രആദായ നികുതി വകുപ്പ് കരുതുന്നത്.
Discussion about this post