മുംബൈ: റിസര്‍വ് ബാങ്ക് ഓഫ് ഇന്ത്യ റിപ്പോ നിരക്കില്‍ 0.25 ശതമാനം കുറവ് വരുത്തി പുതിയ വായ്പ നയം പ്രഖ്യാപിച്ചു. റിപ്പോ നിരക്ക് 6.50 ശതമാനത്തില്‍ നിന്ന് 6.25 ശതമാനമായാണ് കുറച്ചത്. ബാങ്കുകള്‍ കരുതല്‍ ധനമായി ആര്‍. ബി.ഐയില്‍ സൂക്ഷിക്കേണ്ട പണത്തിന്റെ നിരക്കായ കരുതല്‍ ധനാനുപാതത്തില്‍ മാറ്റമില്ല. ഇത് നിലവിലെ നാലു ശതമാനത്തില്‍ തന്നെ തുടരും.
കഴിഞ്ഞ ആറ് വര്‍ഷത്തെ താഴ്ന്ന നിരക്കിലാണ് റിപ്പോ നിരക്ക് എത്തിയിട്ടുള്ളത്. കേന്ദ്രസര്‍ക്കാര്‍ പുതിയ രൂപം നല്‍കിയ എം.പി.സി അംഗീകരിച്ച ആദ്യ ധനനയത്തിലാണ് നിരക്കിലാണ് മാറ്റം പ്രഖ്യാപിച്ചിട്ടുള്ളത്. ആര്‍.ബി.ഐ മുന്‍ ഗവര്‍ണര്‍ രഘുറാം രാജന്‍ പദവി ഒഴിഞ്ഞതിന് പിന്നാലെ പണപ്പെരുപ്പ നിരക്കുകള്‍ കുറഞ്ഞ സാഹചര്യത്തിലാണ് പുതിയ തീരുമാനം. പുതിയതായി രൂപവല്‍ക്കരിച്ച എംപിസി അംഗീകരിച്ച ആദ്യ ധനനയത്തിലാണ് നിരക്കില്‍ അല്പമെങ്കിലും കുറവ് വരുത്തിയത്.
റിപ്പോ നിരക്ക് കാല്‍ ശതമാനം കുറഞ്ഞ സാഹചര്യത്തില്‍ ബാങ്കുകള്‍ ഭവന, വാഹന വായ്പകളുടെ പലിശ കുറച്ചേക്കും. 2017ല്‍ നാണ്യപ്പെരുപ്പ തോത് നാലു ശതമാനമായി നിലനിര്‍ത്തുക എന്നതാണ് ആര്‍.ബി.ഐയുടെ ലക്ഷ്യം.
Discussion about this post