നൂറ് കോടി ക്ലബ്ബിൽ ഇടം പിടിച്ച മാളികപ്പുറം സിനിമയെയും അതിന് പിന്നിൽ പ്രവർത്തിച്ച അണിയറ പ്രവർത്തകരെയും പ്രശംസിച്ച് സംവിധായകൻ ശ്രീകുമാർ മേനോൻ. മാളികപ്പുറത്തിന്റെ 100 കോടി മഹാവിജയം മലയാള സിനിമയോട് പലതും പറയുന്നതും തിരിച്ചറിവ് നൽകുന്നതുമാണ്. മലയാള സിനിമയുടെ വിജയ മന്ത്രം കുടുംബ പ്രേക്ഷകർ തന്നെയാണ് എന്ന് ഈ സിനിമ ആവർത്തിക്കുന്നു. ഇപ്പോഴും കോടി തരുന്ന ഓഡിയൻസ് ഫാമിലിയാണെന്നും അദ്ദേഹം ഫേസ്ബുക്കിൽ കുറിച്ചു.
ആദ്യം മുതൽ സൂപ്പർ താര സ്ക്രീൻ പ്രസൻസുള്ള ഉള്ള നടനാണ് ഉണ്ണി മുകുന്ദൻ. കഠിന പ്രയത്നവും കാത്തിരിപ്പും ഉണ്ണിയെ 100 കോടി ക്ലബിൽ എത്തിച്ചു. അയ്യപ്പൻ എന്ന വികാരത്തെ തീവ്രതയോടെ സ്ക്രീനിൽ എത്തിക്കാനായി ചിത്രത്തിന്. ഉണ്ണിക്കൊപ്പം രണ്ടു കുട്ടികളും പെർഫോമൻസിൽ ഇരുപുറവും ഒന്നിച്ചു നിന്നു ഗംഭീരമാക്കി.
മാളികപ്പുറത്തിന് അപ്പുറവും ഇപ്പുറവുമെന്ന ഒരു നാഴികക്കല്ല് സൃഷ്ടിക്കാൻ ഈ സിനിമയ്ക്ക് കഴിഞ്ഞുവെന്നും അദ്ദേഹം കുറിച്ചു
ഫേസ്ബുക്ക് പോസ്റ്റിന്റെ പൂർണ്ണരൂപം
മാളികപ്പുറത്തിന്റെ 100 കോടി മഹാവിജയം മലയാള സിനിമയോട് പലതും പറയുന്നതാണ്. തിരിച്ചറിവ് നൽകുന്നതാണ്. ലോകം മുഴുവൻ സ്ക്രീനുള്ള, കാഴ്ചയ്ക്ക് ആളുള്ള, മലയാളികൾ അല്ലാത്ത പ്രേക്ഷകരെയും ലഭിക്കുന്ന വിധം അതിരു ഭേദിച്ച മലയാള സിനിമയുടെ വിപണി വലുതാണ്.
മലയാള സിനിമയുടെ വിജയ മന്ത്രം കുടുംബ പ്രേക്ഷകർ തന്നെയാണ് എന്ന് ആവർത്തിക്കുന്നു മാളികപ്പുറത്തിൽ. ഇപ്പോഴും കോടി തരുന്ന ഓഡിയൻസ് ഫാമിലിയാണ്.
ആദ്യം മുതൽ സൂപ്പർ താര സ്ക്രീൻ പ്രസൻസുള്ള ഉള്ള നടനാണ് ഉണ്ണി മുകുന്ദൻ. വ്യക്തിപരമായി സഹോദര തുല്യനാണ്. ഒരുപാട് കഷ്ടപ്പെടുകയും തഴയപ്പെടുകയും അർഹതപ്പെട്ടത് കിട്ടാതെ പോവുകയുമെല്ലാം സംഭവിച്ചിട്ടുണ്ട്. കഠിന പ്രയത്നവും കാത്തിരിപ്പും ഉണ്ണിയെ 100 കോടി ക്ലബിൽ എത്തിച്ചു.
മാളികപ്പുറം കുടുംബ സമേതമാണ് ഞാൻ തിയറ്ററിൽ കണ്ടത്. അയ്യപ്പൻ എന്ന വികാരത്തെ തീവ്രതയോടെ സ്ക്രീനിൽ എത്തിച്ചു മാളികപ്പുറം. ഉണ്ണിക്കൊപ്പം രണ്ടു കുട്ടികളും പെർഫോമൻസിൽ ഇരുപുറവും ഒന്നിച്ചു നിന്നു ഗംഭീരമാക്കി.
സിനിമയുടെ മഹാവിജയത്തിന് ഇങ്ങനെയൊരു ടീമിനെ തിരഞ്ഞെടുത്ത നിർമാതാക്കളായ ആന്റോ ജോസഫ്, വേണു കുന്നപ്പിള്ളി എന്നിവർക്കും സംവിധായകൻ വിഷ്ണു ശശി ശങ്കർ, തിരക്കഥാകൃത്ത് അഭിലാഷ് പിള്ള എന്നിവർക്കും അഭിനന്ദനങ്ങൾ.
തിയറ്റർ അനുഭവം നൽകുന്ന സിനിമകൾ ഇനിയും കോടികൾ നേടും. വിജയം സുനിശ്ചിതമായ ഫോർമുലകൾ തിയറ്ററിൽ ആളെക്കൂട്ടും ഇനിയും. മാളികപ്പുറത്തിന് അപ്പുറവും ഇപ്പുറവുമെന്ന ഒരു നാഴികക്കല്ല് സൃഷ്ടിക്കാൻ ഈ സിനിമയ്ക്ക് കഴിഞ്ഞു.
കയ്യടിക്കുന്നു, നിറഞ്ഞ സ്നേഹത്തോടെ..
Discussion about this post