വൈറ്റമിൻ ഡി സൂര്യപ്രകാശത്തിൽ നിന്നും സൗജന്യമായി കിട്ടുന്നത് അല്ലെ? അതിനു ഏറ്റക്കുറച്ചിലുകൾ ഉണ്ടാകുമോ? ഇത്തരത്തിലുള്ള അറിവില്ലായ്മയാണ് പ്രശ്നമെങ്കിൽ അത് പരിഹരിക്കാൻ സമയമായി. കോവിഡ് രോഗം വന്ന 80 ശതമാനം പേർക്കും വൈറ്റമിൻ ഡിയുടെ അപര്യാപ്തത ഉണ്ടായിരുന്നുവെന്നാണ് പുതിയ ചില പഠനങ്ങൾ കാണിക്കുന്നത്.വൈറ്റമിൻ ഡി കൂടുതൽ ഉള്ള കോവിഡ് പോസിറ്റീവ് രോഗികളിൽ വലിയ പ്രശ്നങ്ങൾ ഇല്ല എന്നതും ചില പഠനത്തിൽ പുറത്തു വന്നതാണ്.
വൈറ്റമിന് ഡിയുടെ കുറവ് ശരീരത്തിന്റെ പ്രതിരോധ ശേഷിയ ദോഷകരമായി ബാധിയ്ക്കും. ജലദോഷം ,ശ്വാസകോശ സംബന്ധമായ ബ്രോങ്കൈറ്റിസ്, ന്യൂമോണിയ തുടങ്ങിയ രോഗങ്ങള് വരാന്
വൈറ്റമിന് ഡിയുടെ കുറവു വഴിയൊരുക്കും.കാത്സ്യത്തെ നമ്മുടെ ശരീരത്തിലേക്ക് ആഗിരണം ചെയ്യാന് സഹായിക്കുന്നതാണ് വൈറ്റമിന് ഡി ആണ് . ശരീരത്തിനാവശ്യമായ വൈറ്റമിൻ ഡിയുടെ 80 ശതമാനവും ലഭിക്കുന്നത് സൂര്യനിൽ നിന്നുമാണ്. ഭക്ഷണത്തിൽ പാൽ,പാലുല്പന്നങ്ങൾ ,മുട്ടയുടെ മഞ്ഞ ,ധാന്യങ്ങള് സോയാബീന്എന്നിവയിൽ വൈറ്റമിൻ ഡി അടങ്ങിയിട്ടുണ്ട്.
വൈറ്റമിൻ ഡി കുറവുള്ളവർക്കു മറ്റു കാരണങ്ങളില്ലാതെ തളര്ച്ചയും ക്ഷീണവുമെല്ലാം അനുഭവപ്പെടുന്നു. പേശീവലിവ്, പേശിവേദന, കോച്ചിപ്പിടുത്തം, നടുവേദന, എല്ലുവേദന എന്നിവ വൈറ്റമിന് ഡിയുടെ കുറവ് മൂലം ഉണ്ടാകുന്നു.ശരീരത്തിന് ആവശ്യമായ കാല്സ്യം ലഭ്യമാകുന്നുവെങ്കിലും വൈറ്റമിന് ഡി കുറഞ്ഞാല് കാല്സ്യം ശരീരത്തിന് ആഗിരണം ചെയ്യാന് സാധിയ്ക്കാതെ വരുന്നു. ഇത് എല്ലുകളെ ബാധിക്കും.
വൈറ്റമിന് ഡിയുടെ കുറവു ശസ്ത്രക്രിയയുടെ ശേഷമുള്ള മുറിവുകള് ഉണങ്ങുന്നതിനെ ബാധിക്കും. ഡയബെറ്റിക് ഫൂട്ട് മുറിവുകള് ഉണങ്ങാനും വൈറ്റമിൻ ഡി ആവശ്യമാണ്.
ഉറക്കക്കുറവ്, വിഷാദരോഗം, അമിതമായ മുടി കൊഴിച്ചിൽ, നിയന്ത്രണത്തിൽ ആകാത്ത പ്രമേഹവും തൈറോയിഡും ഇതെല്ലം തന്നെ വൈറ്റമിൻ ഡിയുടെ അപര്യാപ്തത മൂലം ഉണ്ടാകുന്ന അവസ്ഥകളാണ്. ജീവിതശൈലി തന്നെയാണ് വൈറ്റമിന് ഡി കുറവിന് പ്രധാനകാരണം. അതിനാൽ ആരോഗ്യകരമായ ജീവിതത്തിനു പ്രകൃതിയിലേക്ക് മടങ്ങുക തന്നെ വേണം. സൂര്യപ്രകാശം ഏൽക്കുന്നതിനുള്ള സാഹചര്യങ്ങൾ പരമാവധി ഉപയോഗപ്പെടുത്തുക.
Discussion about this post