മുംബൈ : ബോളിവുഡ് നടൻ നവാസുദ്ദീൻ സിദ്ദിഖിക്ക് നേരെ ഇസ്ലാമിസ്റ്റുകളുടെ ആക്രമണം. ഹനുമാൻ സ്വാമിക്ക് മുന്നിൽ ഇരുകൈകളും കൂപ്പി പ്രാർത്ഥിച്ചുകൊണ്ട് നിൽക്കുന്ന ചിത്രങ്ങൾ താരം സോഷ്യൽ മീഡിയയിൽ പങ്കുവെച്ചിരുന്നു. തന്റെ ആദ്യ തെലുങ്ക് ചിത്രമായ സൈന്ധവിയുടെ ചിത്രീകരണത്തിന് മുന്നോടിയായി നടന്ന പൂജയുടെ ചിത്രങ്ങളാണ് സിദ്ദിഖി പങ്കുവെച്ചത്. ഇതോടെ വിമർശനങ്ങളുമായി ഇസ്ലാമിസ്റ്റുകൾ രംഗത്തെത്തുകയായിരുന്നു.
വിഗ്രഹാരാധനയിലൂടെ പാപമാണ് നിങ്ങൾ ചെയ്യുന്നത് എന്ന വിമർശനങ്ങളാണ് താരത്തിനെതിരെ ഉയരുന്നത്. പണത്തിന് വേണ്ടി നിങ്ങൾ സ്വന്തം വിശ്വാസത്തെ വിറ്റോ എന്നും ചോദ്യങ്ങളുണ്ട്. ഇത് മുസ്ലീങ്ങൾക്ക് ഒട്ടാകെ നാണക്കേട് ഉണ്ടാക്കിയിരിക്കുകയാണെന്നും മുസ്ലീമായിട്ടും എങ്ങനെ പൂജ ചെയ്യാൻ സാധിക്കുന്നുവെന്നും ചിലർ ചോദിക്കുന്നുണ്ട്. നിങ്ങൾക്ക് ഇസ്ലാമിൽ തുടരാൻ സാധിക്കില്ലെന്നും ചിലർ പറയുന്നുണ്ട്.
വെങ്കടേശ് ദഗ്ഗുബാട്ടി കേന്ദ്ര കഥാപാത്രത്തെ അവതരിപ്പിക്കുന്ന, റാണ ദഗ്ഗുബാട്ടി, നാഗചൈതന്യ, നാനി ഉൾപ്പെടെയുള്ള താരങ്ങളെ അണിനിരത്തിക്കൊണ്ട് ശൈലേഷ് കോലാനു സംവിധാനം ചെയ്യുന്ന തെലുങ്ക് ചിത്രമാണ് സൈന്ധവി. സിനിമ ചിത്രീകരണത്തിന് മുന്നോടിയായി നടന്ന പൂജയിൽ താരങ്ങളെല്ലാം പങ്കെടുത്തിരുന്നു.
