ബോയിംഗ് സ്റ്റാര്‍ലൈനറുടെ തകരാര്‍ മൂലം സുനിത വില്യംസിന്റെ ഭൂമിയിലേക്കുള്ള മടക്കയാത്ര വീണ്ടും വൈകിയിരിക്കുകയാണ്. ഇപ്പോഴിതാ സുനിത ഗുരുതരമായ ഒരു ആരോഗ്യ പ്രശ്‌നത്തെ അഭിമുഖീകരിക്കുകയാണെന്ന് വെളിപ്പെടുത്തിയിരിക്കുകയാണ് നാസ. ചുവന്ന രക്താണുക്കള്‍ നശിക്കുന്ന അവസ്ഥയാണിത്. ബഹിരാകാശത്ത് തങ്ങുന്ന സമയത്തോളം ഇത് തുടരുമെന്നതാണ് നിലവിലുള്ള അവസ്ഥയെ ഭീകരമാക്കുന്നത്.
ഇത് സാധാരണ ബഹിരാകാശ സഞ്ചാരികളില്‍ കാണപ്പെടുന്ന ഒരു ആരോഗ്യപ്രശ്‌നമാണ്. ഭൂമിയിലും ഇത് സംഭവിക്കാറുണ്ടെങ്കിലും ഇതില്‍ നിന്ന് 54 ശതമാനമെങ്കിലും കൂടുതലായിരിക്കും ബഹിരാകാശത്ത് വെച്ച് സംഭവിക്കുന്നത്. 6 മാസത്തെ കാലയളവ് കൊണ്ട് ഇത് ഒരു സെക്കന്‍ഡില്‍ 3 മില്യണ്‍ കോശങ്ങള്‍ നശിക്കുന്നതിലേക്ക് നയിക്കും.
ചുവന്നരക്താണുക്കളുടെ നാശം ഗുരുതരമായ ആരോഗ്യപ്രശ്‌നങ്ങളിലേക്കാണ് നയിക്കുക. ക്ഷീണം, അനീമിയ, ഹൃദയത്തിന്റെ പ്രവര്‍ത്തനം മന്ദീഭവിക്കുക എന്നതിലേക്ക് നയിക്കും. അതിനാല്‍ തന്നെ ബഹിരാകാശത്ത് കൂടുതല്‍ സമയം ചെലവിടുന്നത് സുനിത വില്യംസിനെ സംബന്ധിച്ചിടത്തോളം മാരകമാണ്.
സ്റ്റാര്‍ലൈനര്‍ സര്‍വ്വീസ് മൊഡ്യൂളിലെ റിയാക്ഷന്‍ കണ്‍ട്രോള്‍ ത്രസ്റ്ററുകളിലൂടെ ഹീലിയം ചോര്‍ന്നതാണ് സുനിത വില്യംസിനെ തിരിച്ചെത്തിക്കുന്ന ദൗത്യത്തെ പ്രതിസന്ധിയിലാക്കിയത്.
വിമാന സുരക്ഷയില്‍ പിഴവ് സംഭവിച്ചുവെന്ന ബോയിങിന് നാസയുടെ പുതിയ തീരുമാനം കടുത്ത തിരിച്ചടിയാണ്. പേടകത്തിനേറ്റ തകരാറും തുടര്‍ന്നുണ്ടായ സംഭവങ്ങളും ബോയിങ് സ്റ്റാര്‍ലൈനറിനെ ഇനിയൊരിക്കല്‍ കൂടി ആശ്രയിക്കുന്നതില്‍ നിന്ന് നാസയെ പിന്തിരിപ്പിക്കുമെന്ന ആശങ്കയുണ്ട്
എന്നാല്‍.ബഹിരാകാശ യാത്രകള്‍ക്കുതകുന്ന പേടകങ്ങളില്‍ തന്നെ ബോയിങ് ശ്രദ്ധ കേന്ദ്രീകരിക്കുമെന്നും സുരക്ഷയ്ക്ക് തന്നെയാകും ഊന്നല്‍ നല്‍കുകയെന്നും ബോയിങ് വാര്‍ത്താക്കുറിപ്പ് പുറത്തിറക്കി. ഒരു ദശാബ്ദത്തിലേറെയായുള്ള ബന്ധമാണ് ബഹിരാകാശ യാത്രകളില്‍ നാസയും ബോയിങുമായുള്ളത്.4 ബില്യണിന്റെ കോണ്‍ട്രാക്ടാണ് നാസയില്‍ നിന്ന് ബോയിങ് സ്വന്തമാക്കിയത്.
Discussion about this post