ഭോപ്പാൽ: ശിവഭഗവാന്റെ അനുഗ്രഹം തേടി ക്രിക്കറ്റ് താരം വിരാട് കോഹ്ലിയും ബോളിവുഡ് താരം അനുഷ്ക ശർമ്മയും മഹാകാലേശ്വർ ക്ഷേത്രത്തിൽ. ഇന്ന് പുലർച്ചെയോടെയായിരുന്നു ഇരുവരും ക്ഷേത്രത്തിൽ എത്തിയത്. ഇവരുടെ ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
പാരമ്പരാഗത വസ്ത്രങ്ങൾ അണിഞ്ഞായിരുന്നു ഇരുവരും ക്ഷേത്രത്തിൽ എത്തിയത്. പ്രാർത്ഥിച്ച ശേഷം ഇരുവരും പൂജകളിൽ പങ്കെടുത്തു. പൂജാ വേളയിൽ അതിന്റെ സവിശേഷതകളെപ്പറ്റി പൂജാരി വിരാടിന് വിശദീകരിച്ച് നൽകുന്നതായി ദൃശ്യങ്ങളിൽ കാണാം. ക്ഷേത്രത്തിൽ ദർശനത്തിന് എത്തിയ മറ്റ് ഭക്തർക്കൊപ്പം ഇരുന്നാണ് ഇരുവരും പൂജകളിൽ പങ്കെടുത്തത്. മകളില്ലാതെയാണ് ഇരുവരും ദർശനത്തിനെത്തിയത്.
ഇൻഡോറിലാണ് വിരാടിന്റെയും അനുഷ്കയുടെയും താമസം. ഇവിടെ നിന്നും രണ്ട് മണിക്കൂർ നേരത്തെ യാത്രയാണ് ക്ഷേത്രത്തിലേക്കുള്ളത്. അതുകൊണ്ടുതന്നെ അടിക്കടി ഇവിടെയെത്തി പ്രാർത്ഥിച്ച് മടങ്ങാറുണ്ട്. ഇന്ത്യ- ഓസ്ട്രേലിയ ടെസ്റ്റ് ക്രിക്കറ്റ് മത്സരം പൂർത്തിയായതിന് പിന്നാലെയായിരുന്നു വിരാട് അനുഷ്കയുമൊത്ത് ക്ഷേത്രത്തിൽ എത്തിയത്. മത്സരത്തിൽ ഇന്ത്യയ്ക്ക് പരാജയം നുണയേണ്ടിവന്നു.
വിരാടും അനുഷ്കയും അടിക്കടി ക്ഷേത്ര ദർശനങ്ങൾ നടത്താറുണ്ട്. അടുത്തിടെ ഇരുവരും വൃന്ദാവനവും ഉത്തരാഖണ്ഡിലെ വിവിധ ക്ഷേത്രങ്ങളിലും എത്തിയിരുന്നു.
#WATCH | Madhya Pradesh: Actor Anushka Sharma & Cricketer Virat Kohli visit Mahakaleshwar temple in Ujjain. pic.twitter.com/NKl8etcVGR
— ANI MP/CG/Rajasthan (@ANI_MP_CG_RJ) March 4, 2023
Discussion about this post