പത്തനംതിട്ട: ശബരിമല യുവതീപ്രവേശനത്തില് പ്രതിഷേധിച്ച് നടത്തിയ ഹര്ത്താലില് പൊതുമുതല് നശിപ്പിച്ചതിന്റെ പേരില് പ്രവര്ത്തകര്ക്കെതിരെ പൊലീസ് കൂട്ടത്തോടെ എടുത്ത കേസുകള് പിന്വലിക്കണമെന്ന് ശബരിമല കര്മസമിതി. ശബരിമല വിഷയത്തില് സര്ക്കാര് പോലും നിലപാട് മാറ്റിയ സാഹചര്യത്തിലാണ് ഈ ആവശ്യം ഉന്നയിക്കുന്നതെന്നും കര്മസമിതി കൊച്ചിയില് നടത്തിയ വാര്ത്താ സമ്മേളനത്തില് വ്യക്തമാക്കി.
ഹര്ത്താലില് ഉണ്ടായ നാശനഷ്ടങ്ങളുടെ ചിലവ് ശബരിമല കര്മസമിതിയുടെ നേതാക്കളില് നിന്നും ഈടാക്കണമെന്ന് ഹൈക്കോടതി ഉത്തരവിട്ടിരുന്നു. ജനുവരി മൂന്നിന് ശബരിമല കര്മസമിതി നടത്തിയ ഹര്ത്താലിലും അതിന് തൊട്ടുമുന്പേയുള്ള ദിവസവും ഉണ്ടായ അക്രമങ്ങളിലെ നാശനഷ്ടങ്ങളുടെ ചിലവ് കര്മസമിതി നേതാക്കളില് നിന്നും ഈടാക്കാനാണ് ഹൈക്കോടതി നിര്ദേശിച്ചത്.
Discussion about this post