ഇന്ത്യയില്‍ പ്രതിദിന കോവിഡ് രോഗികളുടെ എണ്ണം വീണ്ടും കുറഞ്ഞു. കഴിഞ്ഞ 24 മണിക്കൂറിനിടെ 1.2 ലക്ഷം പേര്‍ക്കാണ് കോവിഡ് സ്ഥിരീകരിച്ചത്. പ്രതിദിന കോവിഡ് രോഗികളുടെ എണ്ണം 58 ദിവസത്തിനിടയിലെ കുറഞ്ഞ നിരക്കില്‍ 3,380 പേര്‍ക്ക് കൂടി രോഗം ബാധിച്ച്‌ ജീവന്‍ നഷ്ടപ്പെട്ടു.
രാജ്യത്ത് നിലവില്‍ ചികിത്സയിലുള്ളവരുടെ എണ്ണം 15,55,248 ആയി കുറഞ്ഞു. തുടര്‍ച്ചയായ ഒമ്പതാം ദിവസമാണ് രാജ്യത്ത് രണ്ട് ലക്ഷത്തില്‍ താഴെ കോവിഡ് കേസുകള്‍ റിപ്പോര്‍ട്ട് ചെയ്യുന്നത്.
1,97,894 പേര്‍ രോഗ മുക്തരായി. ടെസ്റ്റ് പോസിറ്റിവിറ്റി നിരക്ക് 5.78 ശതമാനമായി കുറഞ്ഞു. 93.38 ശതമാനമാണ് രാജ്യത്തെ രോഗമുക്തി നിരക്ക്.
തുടര്‍ച്ചയായ 10-ാം ദിവസമാണ് രാജ്യത്ത് ടെസ്റ്റ്പോസിറ്റിവിറ്റി നിരക്ക് 10 ശതമാനത്തില്‍ താഴെയാകുന്നത്. ഇതുവരെ രാജ്യത്ത് 2.67 കോടി പേരാണ് കോവിഡില്‍ നിന്നും മുക്തി നേടിയത്.
Discussion about this post