ദോഹ: ക്വാര്ട്ടര് ഫൈനലില് ക്രൊയേഷ്യയോട് തോറ്റ് പുറത്തായ മഞ്ഞപ്പടയ്ക്ക് ആശ്വാസവാക്കുകളുമായി ഇതിഹാസ താരം പെലെയുടെ കുറിപ്പ്. ഇന്സ്റ്റഗ്രാമിലെ പോസ്റ്റിലൂടെയാണ് താരം കാനറികളെ പിന്തുണയ്ക്കാനെത്തിയത്. ബ്രസീലിനു വേണ്ടി 77 ഗോള് നേടി പെലെയുടെ റെക്കാര്ഡിനൊപ്പമെത്തിയ സൂപ്പര് താരം നെയ്മറിന് അഭിനന്ദനം അറിയിക്കാനും ഇതിഹാസ നായകന് മറന്നില്ല.
തോല്വി ഏറ്റുവാങ്ങി കളിക്കളത്തിലിരുന്ന് വിതുമ്പിയ നെയ്മറിന് ആശ്വാസം പകരുന്ന ഒന്നായി പെലെയുടെ ഇന്സ്റ്റഗ്രാം കുറിപ്പ്. ”നീന്റെ വളര്ച്ച ഞാന് കണ്ടു, നിനക്കായി ഓരോ കളിയിലും ആര്ത്തുവിളിച്ചു, ഒടുവില് ബ്രസീലിനായി ഞാന് നേടിയ ഗോളുകള്ക്ക് ഒപ്പമെത്തിയപ്പോള് നിന്നെ അഭിനന്ദിക്കാനുള്ള അവസരവും കൈവന്നു”, ആശുപത്രിക്കിടക്കയിലിരുന്ന് 82കാരനായ പെലെ കുറിച്ചു. ഒരു അത്ലറ്റ് എന്ന നിലയില് നമ്മുടെ കടമ സഹകളിക്കാര്ക്കും വരും തലമുറയ്ക്കും പ്രചോദനം നല്കുകയാണ്. അത് ഇനിയും തുടരുക, നിര്ഭാഗ്യവശാല് ഈ ദിനം സന്തോഷിക്കാനുള്ളതല്ലെന്നു മാത്രം, പെലെ കുറിപ്പില് വ്യക്തമാക്കി.
Discussion about this post