ബാഹുബലിക്ക് ശേഷം വീണ്ടും വൻ സ്വീകാര്യത ലഭിച്ച് മുന്നേറുകയാണ് പ്രഭാസിന്റെ കൽക്കി 2898 എഡി സിനിമ. ചിത്രം അമ്പരപ്പിക്കുന്ന വിജയമാണ് നേടികൊണ്ടിരിക്കുന്നത്. കൽക്കിയുടെ ആകെ കളക്ഷൻ റെക്കോർഡുകളൊക്കെ തിരുത്തി എഴുതും എന്നാണ് റിപ്പോർട്ട്. ഇന്ത്യയിൽ അടുത്ത 1000 കോടി ചിത്രമായിരിക്കും കൽക്കി ആയിരിക്കും എന്നാണ് സൂചന.
നിലവിൽ കൽക്കി 2898 എഡി 415 കോടി രൂപ നേടിയിരിക്കുകയാണ്. അതും മൂന്ന് ദിവസത്തിനുള്ളിലാണ് ഈ വിജയം കര്യസ്ഥമാക്കിയിരിക്കുന്നത്. ഈ ബ്രഹ്മാണ്ഡ ചിത്രം വേഫറർ ഫിലിംസാണ് കേരളത്തിൽ വിതരണത്തിനെത്തിച്ചത്. പ്രേക്ഷകരിൽ നിന്നും മികച്ച അഭിപ്രായങ്ങൾ കരസ്ഥമാക്കി കേരളത്തിൽ വമ്പൻ കളക്ഷൻ നേടികൊണ്ടിരിക്കുകയാണ്. ചിത്രം 2024 ജൂൺ 27നാണ് തിയറ്റർ റിലീസ് ചെയ്തത്.
അമിതാഭ് ബച്ചനും കമൽഹാസനും പുറമേ ചിത്രത്തിൽ ദീപിക പദുക്കോണും പ്രധാന വേഷത്തിലെത്തുന്നു. ദേശീയതലത്തിൽ അംഗീകരിക്കപ്പെട്ട പ്രശസ്ത തെലുങ്ക് സംവിധായകൻ നാഗ് അശ്വിന്റേതാണ് പ്രഭാസ് നായകനായ ചിത്രം കൽക്കി 2898 എഡി. ഇതിഹാസ കാവ്യമായ മഹാഭാരത കാലത്ത് തുടങ്ങുന്നതായിരിക്കും കൽക്കി 2898 എഡിയുടെ പ്രമേയമെന്ന് സംവിധായകൻ നാഗ് അശ്വിൻ വ്യക്തമാക്കിയിരുന്നു. അവസാനിക്കുന്നത് 2898 എഡിയിലുമായിരിക്കുമെന്നും വ്യക്തമാക്കിയിരുന്നു സംവിധായകൻ നാഗ് അശ്വിൻ.
Discussion about this post