ഒരു വര്‍ഷത്തെ സൗജന്യ ഇന്റര്‍നെറ്റ് സേവനവുമായി 5,999 രൂപയ്ക്ക് ഒരു സ്മാര്‍ട്ട് ഫോണ്‍. മോര്‍ജി മാക്‌സ് 3G6 ആണ് ഇത്തരത്തില്‍ ഒരു അടിപൊളി ഓഫറുമായി എത്തുന്നത്.
റിലയന്‍സുമായി സഹകരിച്ച് കമ്പനി 12 മാസത്തേയ്ക്ക് ഉപഭോക്താക്കള്‍ക്ക് സൗജന്യമായി ഇന്റര്‍നെറ്റ് വാഗ്ദാനം ചെയ്യുന്നു. ഇന്റര്‍നെറ്റ് സ്മാര്‍ട്ട് ഫോണ്‍ വഴി ആക്‌സസ് ചെയ്യാന്‍ കഴിയും. എന്നാല്‍ ഇതിന് ഡാറ്റാ പ്ലാനോ പ്രതിമാസ ഫീസോ ആവശ്യമില്ല. ഉബിസര്‍ഫര്‍ ബ്രൗസര്‍ വഴി സൗജന്യമായി പരിധികളില്ലാതെ ഇന്റര്‍നെറ്റ് ബ്രൗസ് ചെയ്യാന്‍ സാധിക്കും.
അതേസമയം ആദ്യ വര്‍ഷം ലഭിക്കുന്ന സൗജന്യ ഇന്റര്‍നെറ്റില്‍ ഓഡിയോ/വീഡിയോ സ്‌ടേരീമിങ്ങോ പ്രാദേശിക ഡൗണ്‍ലോഡിങ്ങോ ഉള്‍പ്പെടില്ല. 1 ജിബി റാമും 8 ജിബി റോമും ഉള്‍പ്പടെ 1.3GHz ക്വാഡ് കോര്‍ പ്രോസസറോടെയുള്ള സ്മാര്‍ട്ട് ഫോണിന് 6 ഇഞ്ച്് ഡിസ്‌പ്ലേയുണ്ട്. 32 ജിബി വരെ റാം വികസിപ്പിക്കാവുന്നതാണ്.
2എംപി ഫ്രണ്ട് സ്‌നാപ്പര്‍ സഹിതം 8 എംപി റിയര്‍ ക്യാമറയും സ്മാര്‍ട്ട് ഫോണിന്റെ പ്രത്യേകതയാണ്. ജി.പി ആര്‍.എസ്/എഡ്ജ്, 3ജി, ബ്ലൂട്ടൂത്ത്, വൈഫൈ, മൈക്രോ യു.എസ്.ബി എന്നിവയും ഫോണിനോപ്പം ലഭ്യാമാകും. ഇന്ത്യന്‍ വിപണിയില്‍ സ്മാര്‍ട്ട് ഫോണിന് പുതിയ തരംഗം സൃഷ്ടിക്കാന്‍ കഴിയുമെന്നാണ് പ്രതീക്ഷിക്കുന്നത്.
Discussion about this post