‘ലൗ ജിഹാദി’ല്‍ ആദ്യകുറ്റപത്രം നല്‍കി സിബിഐ: നടപടി ദേശീയ ഷൂട്ടിംഗ് താരത്തെ വഞ്ചിച്ച കേസില്‍

റാഞ്ചി: ദേ​ശീ​യ ഷൂ​ട്ടിം​ഗ് താ​രത്തിന്‍റെ പരാതിയില്‍ ലൗ ​ജി​ഹാദ് കേ​സി​ലെ ആ​ദ്യ​ കു​റ്റ​പ​ത്രം അന്വേഷണ ഏജൻസിയായ സി​.ബി​.ഐ കോടതിയിൽ സമർപ്പിച്ചു. ഇ​സ്ലാം മ​തം സ്വീ​ക​രി​ക്കാ​ൻ നിർബന്ധിച്ചുവെന്ന് ആരോപിച്ച് ഷൂ​ട്ടിം​ഗ് താ​രമായ താ​ര ശഹ്ദേ, ഭ​ർ​ത്താ​വി​നും ഭ​ർ​തൃ​മാ​താ​വി​നും എ​തി​രെ നൽകിയ കേസിലാണ് സി​.ബി​.ഐ കു​റ്റ​പ​ത്രം ത​യാ​റാ​ക്കി​യ​ത്. റാ​ഞ്ചി കോ​ട​തി​യി​ലാ​ണ് കു​റ്റ​പ​ത്രം സ​മ​ർ​പ്പി​ച്ചി​രി​ക്കു​ന്ന​ത്.

2014 ജൂ​ലാ​യി​ലാ​ണ് ഷൂ​ട്ടിം​ഗ് പ​രി​ശീ​ല​ന​ത്തി​നി​ടെ പ​രി​ച​യ​പ്പെ​ട്ട ര​ഞ്ജി​ത്ത് സിം​ഗ് കൊഹ്ലിയുമായി താരം​ വി​വാ​ഹം ക​ഴി​ച്ച​ത്. എ​ന്നാ​ൽ റ​ഖി​ബു​ൾ ഹ​സ​ൻ ഖാ​ൻ എ​ന്ന യ​ഥാ​ർത്ഥ പേ​ര് മ​റ​ച്ചു​വ​ച്ചാ​ണ്, ര​ഞ്ജി​ത്ത് താ​ര​യെ വി​വാ​ഹം ചെ​യ്ത​ത്.

തുടര്‍ന്ന് വി​വാ​ഹത്തിന് ശേഷം മു​സ്ലീ​മാ​ക​ണ​മെ​ന്ന് കൊ​ഹ്ലി ആ​വ​ശ്യ​പ്പെ​ട്ടതായി പരാതിയില്‍ പറയുന്നു. ഇ​ത് അം​ഗീ​ക​രി​ക്കാ​ൻ വി​സ​മ്മ​തി​ച്ച ​താരയെ മാ​ന​സി​ക​മാ​യും ശാ​രീ​രി​ക​മാ​യും പീ​ഡി​പ്പി​ക്കുകയും ചെയ്തെന്നാണ് പരാതി. കൊ​ഹ്ലി​ക്കെ​തി​രെ ക്രിമിനൽ ഗൂഡാലോചനക്കുറ്റവും, ബ​ലാ​ത്സം​ഗ​ക്കു​റ്റ​വും, ഗാർഹിക പീ​ഡ​ന നി​രോ​ധ​ന നി​യ​മ​പ്ര​കാ​ര​മു​ള്ള വ​കു​പ്പു​ക​ളും സി.​ബി.​ഐ ചു​മ​ത്തി​യി​ട്ടു​ണ്ട്.