അയോദ്ധ്യ: ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റ് ജനുവരി 11 ന് പ്രതിഷ്ഠാ ചടങ്ങിൻ്റെ ഒന്നാം വാർഷികം “പ്രതിഷ്ഠാ ദ്വാദശി” ആയി ആഘോഷിക്കാനൊരുങ്ങുന്നു. ഹിന്ദു കലണ്ടർ പ്രകാരമാണ് ഈ തിയതി നിശ്ചയിച്ചിരിക്കുന്നത്.
ജനുവരി 11ന് മുഖ്യമന്ത്രി യോഗി ആദിത്യനാഥ് മുഖ്യാതിഥിയായി എത്തുന്നതോടെ മൂന്ന് ദിവസത്തെ മഹാ ആഘോഷങ്ങൾക്ക് തുടക്കമാകും. 2024 ജനുവരി 22 ന് നടന്ന പ്രാണ പ്രതിഷ്ഠാ ചടങ്ങിലെ മുഖ്യാതിഥി പ്രധാനമന്ത്രി നരേന്ദ്ര മോദിയായിരുന്നു.
രാം ലല്ലയുടെ പ്രാൺ പ്രതിഷ്ഠാ ചടങ്ങിൻ്റെ ഒന്നാം വാർഷികമായ ജനുവരി 11 ന് രാവിലെ 11 മണിക്ക് മുഖ്യമന്ത്രി യോഗി ആദിത്യനാഥ് രാം ലല്ലയുടെ അഭിഷേകം നടത്തുമെന്ന് ട്രസ്റ്റ് ഞായറാഴ്ച അറിയിച്ചു.
തുടർന്ന് അംഗദ് തിലയിൽ നടക്കുന്ന സാംസ്കാരിക സമ്മേളനം ആദിത്യനാഥ് ഉദ്ഘാടനം ചെയ്യുകയും ഭക്തരെ അഭിസംബോധന ചെയ്യുകയും ചെയ്യും.
അംഗദ് തിലയിൽ നടക്കുന്ന ത്രിദിന പരിപാടിയുടെ ഉദ്ഘാടന ദിവസം ഇതിഹാസ ഗായിക ഉഷാ മങ്കേഷ്കർ രാഗസേവ അവതരിപ്പിക്കും. ഭക്തിസാന്ദ്രമായ ഭജനകൾ അവതരിപ്പിക്കുന്ന മയൂരേഷ് പൈയും അവർക്കൊപ്പം ഉണ്ടാകും.
ഹിന്ദു കലണ്ടർ പ്രകാരം രാം ലല്ലയുടെ പ്രാൺ പ്രതിഷ്ഠാ ചടങ്ങ് ജനുവരി 11 ന് ഒരു വർഷം തികയ്ക്കും. (ജനുവരി 11) ‘പൗഷ് ശുക്ല പക്ഷ, ദ്വാദശി, വിക്രം സംവത് 2001’ ആയിരിക്കും,” ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റി ചമ്പത് റായ് പറഞ്ഞു.
അയോധ്യയിലുടനീളം ലതാ ചൗക്ക്, ജന്മഭൂമി പാത, ശൃംഗർ ഹാത്ത്, രാം കി പൈഡി, സുഗ്രീവ ഫോർട്ട്, ഛോട്ടി ദേവ്കാലി തുടങ്ങിയ പ്രധാന സ്ഥലങ്ങളിൽ സാംസ്കാരിക പരിപാടികൾ നടക്കും. യുവ കലാകാരന്മാർ നഗരത്തിലുടനീളം സംഗീത പരിപാടികൾ അവതരിപ്പിക്കും, ”റായി കൂട്ടിച്ചേർത്തു.
