മുംബൈ: റോഡരുകില്‍ ഉറങ്ങിക്കിടന്നവരെ കാറിടിച്ചതുമായി ബന്ധപ്പെട്ട കേസിന്റെ കോടതി നടപടികള്‍ റിപ്പോര്‍ട്ട് ചെയ്യുന്നതില്‍ നിന്ന് മാധ്യമങ്ങളെ വിലക്കണമെന്ന സല്‍മാന്‍ ഖാന്റെ ആവശ്യം കോടതി തള്ളി.
2002 സെപ്തംബര്‍ 28ന് നടന്ന കേസില്‍ സല്‍മാന്റെ മൊഴി രേഖപ്പെടുത്തുന്ന നടപടികള്‍ ആരംഭിച്ചിരുന്നു. ഇത് റിപ്പോര്‍ട്ട് ചെയ്യുന്നതില്‍ നിന്ന് മാധ്യമങ്ങളെ വിലക്കണമെന്നായിരുന്നു താരം കോടതിയില്‍ ആവശ്യപ്പെട്ടത്. എന്നാല്‍ താരത്തിന്റെ ആവശ്യം കോടതി നിഷേധിച്ചു.
അപകടമുണ്ടായ 2002 സെപ്റ്റംബര്‍ 28 ന് താന്‍ കാറോടിച്ചിട്ടില്ലെന്നും മദ്യപിച്ചിരുന്നില്ലെന്നും സല്‍മാന്‍ ഖാന്‍ മുംബൈ സെഷന്‍സ് കോടതിക്കു മൊഴി നല്‍കി.
സംഭവത്തിന് ശേഷം സ്ഥലത്തുനിന്ന് ഓടി രക്ഷപ്പെട്ടെന്ന ആരോപണം തെറ്റാണെന്നും സല്‍മാന്‍ പറഞ്ഞു. 2002 സെപ്റ്റംബര്‍ രണ്ടിനു രാത്രി മദ്യലഹരിയിലായിരുന്ന സല്‍മാന്‍ തന്റെ ലാന്‍ഡ് ക്രൂസറില്‍ അമിതവേഗത്തില്‍ സഞ്ചരിക്കവേ ഒരു ബേക്കറിയിലേക്ക് കാര്‍ ഇടിച്ചു കയറിയെന്നും വഴിയരികില്‍ ഉറങ്ങിക്കിടന്ന ഒരാള്‍ കാര്‍ കയറി മരിച്ചെന്നുമാണ് കേസ്.
നരഹത്യ കേസിലാണ് സല്‍മാനെ പ്രതിചേര്‍ത്തിരിക്കുന്നത്. കുറ്റം തെളിയിക്കപ്പെട്ടാല്‍ പത്ത് വര്‍ഷം വരെ തടവു ശിക്ഷ ലഭിക്കാവുന്ന കേസാണിത്.
Discussion about this post