കൊച്ചി: നടന് ശ്രീനാഥിന്റെ മരണവുമായി ബന്ധപ്പെട്ട ദുരൂഹതയ്ക്ക് അവസാനമില്ല. ഏഴുവര്ഷം മുമ്പ് നടന്ന ശ്രീനാഥിന്റെ മരണവുമായി ബന്ധപ്പെട്ട് ഇതുവരെ പുറത്തുവരാത്ത വിവരങ്ങളാണ് ഇപ്പോള് വ്യക്തമായിരിക്കുന്നത്. മൃതദേഹം കണ്ടെത്തിയപ്പോള് വിലപ്പിടിപ്പുള്ളതൊന്നും കൈവശമില്ലായിരുന്നെന്നും ശ്രീനാഥ് ഹോട്ടലില് പ്രശ്നങ്ങള് ഉണ്ടാക്കിയിയെന്ന പുതിയ ഇന്ക്വസ്റ്റ് റിപ്പോര്ട്ടില് വ്യക്തമാക്കുന്നു.
ശ്രീനാഥ് ഹോട്ടലില് ആരുമായാണ് പ്രശ്നങ്ങളുണ്ടാക്കിയത്, എന്തായിരുന്നു പ്രശ്നം, അതാണോ സിനിമയില് നിന്നു നീക്കാനുള്ള കാരണം, ശ്രീനാഥിന്റെ ഫോണും പഴ്സുമെല്ലാം എവിടെപ്പോയി തുടങ്ങി ഉത്തരം കിട്ടാത്ത ചോദ്യങ്ങളുടെ എണ്ണം കൂട്ടുന്നതാണ് ഇന്ക്വസ്റ്റ് റിപ്പോര്ട്ട്.
ശ്രീനാഥ് ഏഴുവര്ഷം മുമ്പ് ദുരൂഹസാഹചര്യത്തില് മരിച്ചതുമായി ബന്ധപ്പെട്ട ഫയല് കോതമംഗലം പോലീസ് സ്റ്റേഷനില്നിന്ന് അപ്രത്യക്ഷമായ വാര്ത്ത പുറത്തുവന്നിതിന് പിന്നാലെയാണ് മരണത്തില് അന്വേഷണം ആവശ്യപ്പെട്ട് കുടുംബം രംഗത്ത് വന്നിരുന്നു. 2010 മേയ് മാസത്തില് കോതമംഗലത്തെ മരിയ ഹോട്ടലിലെ 102-ാം നമ്പര് മുറിയില് ഞരമ്പുമുറിച്ച് രക്തംവാര്ന്ന് മരിച്ച നിലയിലാണ് ശ്രീനാഥിനെ കണ്ടെത്തിയത്. പത്മകുമാര് സംവിധാനം ചെയ്ത ശിക്കാര് എന്ന മോഹന്ലാല് ചിത്രത്തില് അഭിനയിക്കാന് വന്നതായിരുന്നു അദ്ദേഹം.
വ്യക്തിപരമായ പ്രശ്നങ്ങള് മൂലം ജീവനൊടുക്കിയെന്നായിരുന്നു പോലീസ് കണ്ടെത്തല്. ശ്രീനാഥ് ജീവനൊടുക്കാന് ഒരു സാദ്ധ്യതയുമില്ലെന്ന് വീട്ടുകാര് പറഞ്ഞിരുന്നെങ്കിലും നാലുമാസംകൊണ്ട് അന്വേഷണം അവസാനിപ്പിക്കുകയായിരുന്നു.
Discussion about this post